തിരുവനന്തപുരം: ഫ്രാന്സിസ് മാര്പാപ്പയുടെ നിര്യാണത്തിൽ സംസ്ഥാനത്തും ദുഃഖാചരണം. സംസ്ഥാന സര്ക്കാര് വാര്ഷികാഘോഷത്തില് ഇന്നത്തെയും നാളത്തെയും കലാപരിപാടികൾ മാറ്റിവെച്ചു.
വയനാട്, കാസര്കോട് ജില്ലകളിലെ പരിപാടികളാണ് മാറ്റിവെച്ചത്. ഇന്നത്തെ വയനാട്ടിലെ പ്രദര്ശന ഉദ്ഘാടന പരിപാടിയും മാറ്റിവെച്ചിട്ടുണ്ട്. മാര്പാപ്പയുടെ വിയോഗത്തില് രാജ്യത്ത് മൂന്ന് ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചിരുന്നു. ഇന്നും നാളെയും സംസ്കാരം നടക്കുന്ന ദിനത്തിലുമാണ് രാജ്യത്ത് ദുഃഖാചരണം പ്രഖ്യാപിച്ചിട്ടുള്ളത്.
ദുഃഖാചരണത്തിന്റെ ഭാഗമായി ദേശീയപതാക പകുതി താഴ്ത്തിക്കെട്ടും. ഔദ്യോഗിക ആഘോഷ പരിപാടികള് എല്ലാം റദ്ദാക്കിയിട്ടുണ്ട്. കേരളത്തില് ദേശീയ പതാക താഴ്ത്തിക്കെട്ടാനും, ഔദ്യോഗിക വിനോദപരിപാടികളെല്ലാം മാറ്റിവെക്കാനും ജില്ലാ കലക്ടര്മാര്ക്കും ബന്ധപ്പെട്ട ഉദ്യോഗസ്ഥര്ക്കും സര്ക്കാര് നിര്ദേശം നല്കി
ഇന്ത്യന് സമയം തിങ്കളാഴ്ച രാവിലെ 11.05 നാണ് ഫ്രാൻസിസ് മാര്പാപ്പ ദിവംഗതനായത്. ന്യുമോണിയ ബാധിതനായി 38 ദിവസം ആശുപത്രിയില് കഴിഞ്ഞ അദ്ദേഹം കഴിഞ്ഞ മാസം 23നാണ് വസതിയിലേക്ക് തിരികെയെത്തിയത്.
