ഇടുക്കി: ഇടുക്കിയിൽ ഓടിക്കൊണ്ടിരുന്ന കാറിന് തീപിടിച്ചു. വിനോദ സഞ്ചാരികളുടെ വാഹനത്തിനാണ് തീ പിടിച്ചത്.
മൂന്നാർ ഉദുമൽപ്പെട്ട അന്തർ സംസ്ഥാന പാതയിലാണ് സംഭവം. പെരിവരയ്ക്കും കന്നിമലക്കും ഇടയിലാണ് ഓടിക്കൊണ്ടിരുന്ന കാറിനാണ് തീ പിടിച്ചത്.
മറയൂരിൽ സന്ദർശനത്തിനു ശേഷം മൂന്നാറിലേക്ക് വരികയായിരുന്ന സഞ്ചാരികളുടെ വാഹനത്തിലാണ് അപകടമുണ്ടായത്. വാഹനത്തിൽ ആകെ നാല് യാത്രക്കാരാണ് ഉണ്ടായിരുന്നത്.
കന്നിമലയ്ക്ക് സമീപത്ത് വെച്ചാണ് വാഹനത്തിൽ പുക ഉയരുന്നത് കണ്ടത്. വേഗത്തിൽ വാഹനത്തിൽ വലിയ രീതിയിൽ തീ ആളിപ്പടരുകയായിരുന്നു.
യാത്രക്കാർ പെട്ടെന്ന് തന്നെ വാഹനത്തിൽ നിന്ന് ഇറങ്ങിയത് കാരണം വൻ അപകടം ഒഴിവായി.
മൂന്നാറിൽ നിന്നും അഗ്നി രക്ഷാ സേനയെത്തിയാണ് തീയണച്ചത്. മൂന്നാർ പൊലീസ് സ്ഥലത്തെത്തി മേൽ നടപടികൾ സ്വീകരിച്ചു.
