എംഎൽഎമാർക്ക് വിശ്രമിക്കാനും ഉല്ലാസത്തിനും കർണാടക കൂടുതൽ സൗകര്യങ്ങളൊരുക്കുന്നു. നിയമസഭാ സമ്മേളനത്തിനിടെയുള്ള ‘മുങ്ങൽ’ തടയാൻ വേണ്ടിയാണ് ഇങ്ങനെയൊരു തീരുമാനം.
ഉച്ചഭക്ഷണത്തിന് ശേഷം എംഎൽഎമാർ പലരും സഭാനടപടികളിൽ പങ്കെടുക്കാതെ എംഎൽഎ ഹോ സ്റ്റലുകളിലേക്ക് മടങ്ങുന്ന സാഹചര്യത്തിലാണ് പുതിയ ക്രമീകരണം.
മാർച്ച് 3ന് ആരംഭിക്കുന്ന ബജറ്റ് സമ്മേളനത്തിൽ നിയമ സഭയിലെ വിശ്രമമുറിയിൽ 15 റിക്ലൈനർ കസേരകൾ ക്രമീകരിക്കും.
അംഗങ്ങൾക്കു ചായയും കാപ്പിയും ഉൾപ്പെടെ ക്രമീകരിക്കും. എംഎൽഎമാർക്ക് ഇതിൽ സുഖമായി കിടന്ന് ഉറങ്ങാനും വിശ്രമിക്കാനും സാധിക്കും. വാടകയ്ക്കെടുക്കുന്ന റിക്ലൈനർ കസേരകൾ സഭാനടപടികൾക്ക് ശേഷം തിരിച്ചുനൽകും.
