ലണ്ടൻ: ലോകമെമ്പാടുമുള്ള ചോക്ലേറ്റ് പ്രേമികളെ ഞെട്ടിച്ചുകൊണ്ട് യൂറോപ്പിൽ വമ്പൻ കൊള്ള.
ഒന്നും രണ്ടുമല്ല, ഏകദേശം 12 ടണ്ണോളം വരുന്ന കിറ്റ്കാറ്റ് ചോക്ലേറ്റാണ് മോഷ്ടാക്കൾ ട്രക്ക് സഹിതം കടത്തിക്കൊണ്ടുപോയത്.
ഈസ്റ്റർ ആഘോഷങ്ങൾക്ക് മുന്നോടിയായി ഇറ്റലിയിലെ ഫാക്ടറിയിൽ നിന്നും പോളണ്ടിലേക്ക് അയച്ച 4,13,793 കിറ്റ്കാറ്റ് ബാറുകളാണ് അപ്രത്യക്ഷമായത്.
രണ്ട് കൊമ്പനാനകളുടെ തൂക്കം; അന്താരാഷ്ട്ര വിപണിയിൽ ലക്ഷങ്ങൾ വിലമതിക്കുന്ന ചോക്ലേറ്റ് ശേഖരം എങ്ങനെ അപ്രത്യക്ഷമായി?
യൂറോപ്പിലെ ഏറ്റവും വലിയ ചോക്ലേറ്റ് മോഷണങ്ങളിലൊന്നായിട്ടാണ് ഇതിനെ പോലീസ് രേഖപ്പെടുത്തിയിരിക്കുന്നത്.
ഏകദേശം രണ്ട് കൂറ്റൻ ആനകളുടെ ഭാരത്തിന് തുല്യമായ അളവിലുള്ള കിറ്റ്കാറ്റ് ബാറുകളാണ് കമ്പനിക്ക് നഷ്ടമായിരിക്കുന്നത്.
ഇറ്റലിയിൽ നിന്ന് പുറപ്പെട്ട ട്രക്ക് ലക്ഷ്യസ്ഥാനമായ പോളണ്ടിൽ എത്താത്തതിനെ തുടർന്ന് നടത്തിയ അന്വേഷണത്തിലാണ് ഞെട്ടിക്കുന്ന വിവരങ്ങൾ പുറത്തുവന്നത്.
വ്യാജ രേഖകൾ ചമച്ചാണോ അതോ വഴിമധ്യേ തട്ടിക്കൊണ്ടുപോയതാണോ എന്ന കാര്യത്തിൽ ഇന്റർപോൾ ഉൾപ്പെടെയുള്ള ഏജൻസികൾ അന്വേഷണം ഊർജ്ജിതമാക്കിയിരിക്കുകയാണ്.
കിറ്റ്കാറ്റിനെ തേടി കേരള ടൂറിസം; കായലിലും കടൽതീരത്തും നടത്തിയ ‘രഹസ്യ പരിശോധനയുടെ’ ഫലം പുറത്തുവിട്ട് ഔദ്യോഗിക പേജ്!
കാണാതായ കിറ്റ്കാറ്റിനായി ഇന്റർനെറ്റ് ലോകം മുഴുവൻ സെർച്ച് ചെയ്യുമ്പോഴാണ് കേരള ടൂറിസത്തിന്റെ സർപ്രൈസ് എൻട്രി.
അന്താരാഷ്ട്ര തലത്തിൽ ശ്രദ്ധിക്കപ്പെട്ട ഈ വാർത്തയെ നമ്മുടെ മനോഹരമായ വിനോദസഞ്ചാര കേന്ദ്രങ്ങളുമായി ബന്ധിപ്പിച്ച് കേരള ടൂറിസം പങ്കുവെച്ച പോസ്റ്റ് നിമിഷങ്ങൾക്കകം വൈറലായി.
കാണാതായ ചോക്ലേറ്റ് തങ്ങളുടെ കായലുകളിലോ മലയോര മേഖലകളിലോ കടൽതീരങ്ങളിലോ എത്തിയിട്ടില്ലെന്ന് ടൂറിസം വകുപ്പ് വളരെ രസകരമായ രീതിയിൽ സോഷ്യൽ മീഡിയയിലൂടെ വ്യക്തമാക്കി.
പിങ്ക് സിറ്റിയിൽ ‘പിങ്ക് ആന’; വിവാദ ഫോട്ടോഷൂട്ടിൽ വനംവകുപ്പ് അന്വേഷണത്തിന്
“ശരിക്കുമൊരു ബ്രേക്ക് ആവശ്യമാണോ?” കിറ്റ്കാറ്റിന്റെ തന്നെ പഞ്ച് ഡയലോഗ് കടമെടുത്ത് സോഷ്യൽ മീഡിയയുടെ കൈയടി നേടി കേരളം!
കിറ്റ്കാറ്റിന്റെ പ്രശസ്തമായ ‘Have a break’ എന്ന പരസ്യവാചകത്തെ മുൻനിർത്തിയായിരുന്നു കേരള ടൂറിസത്തിന്റെ കുറിപ്പ്.
“കാണാതായ കിറ്റ്കാറ്റ് ഷിപ്പിങ്ങിനെക്കുറിച്ച് ഞങ്ങൾക്കും വിവരം ലഭിച്ചിട്ടുണ്ട്. ഞങ്ങളുടെ കായലുകളിലും മലയോരത്തും കടൽതീരങ്ങളിലും വിശദമായ പരിശോധന നടത്തി.
അവയൊന്നും കേരളത്തിൽ എത്തിയിട്ടില്ലെന്ന് സ്ഥിരീകരിച്ചിട്ടുണ്ട്. ശരിക്കുമൊരു ബ്രേക്ക് ആവശ്യമാണോ? എങ്കിൽ ഞങ്ങൾ നിങ്ങൾക്കൊപ്പമുണ്ട്” – എന്നായിരുന്നു ആ വൈറൽ പോസ്റ്റ്.
ടൂറിസം വകുപ്പിന്റെ ഈ ക്രിയേറ്റീവ് മാർക്കറ്റിംഗ് ബുദ്ധിയെ വാനോളം പുകഴ്ത്തുകയാണ് സൈബർ ലോകം.
English Summary
A massive heist involving 12 tons (over 4 lakh bars) of KitKat chocolate, stolen during transit from Italy to Poland, has become a global sensation. While authorities search for the missing truck, Kerala Tourism joined the trend with a witty social media post. They “confirmed” that the missing chocolates hadn’t reached Kerala’s backwaters or hills, cheekily offering a real “break” to those looking for one. The post has gone viral for its creative marketing and humor.
