കാസർകോട് ഉറങ്ങിക്കിടന്ന 10 വയസ്സുകാരിയെ എടുത്തുകൊണ്ടുപോയി പീഡിപ്പിച്ച കേസിൽ പ്രദേശവാസിയായ ഒരാൾ കസ്റ്റഡിയിലായതായി സൂചന. പീഡനം അടക്കം നിരവധി കേസുകളിൽ പ്രതിയായ യുവാവിനെ ബന്ധുവീട്ടിൽ നിന്നാണ് കസ്റ്റഡിയിൽ എടുത്തത് എന്നാണ് വിവരം. ഇയാളെ ചോദ്യം ചെയ്തു വരികയാണ്.
കഴിഞ്ഞ ബുധനാഴ്ച പുലർച്ചെ മൂന്നുമണിയോടെയാണ് കാസർഗോഡ് പടന്നക്കാട് വീട്ടിൽ ഉറങ്ങിക്കിടന്ന 10 വയസ്സുകാരിയെ തട്ടിക്കൊണ്ടുപോയത്. പുലർച്ചെ മുത്തച്ഛൻ പശുവിനെ കറക്കാൻ പുറത്തേക്കിറങ്ങിയ സമയമാണ് മുത്തച്ഛൻ ഒപ്പം കിടന്നുറങ്ങിയ കുട്ടിയെ എടുത്തുകൊണ്ടു പോയത്. വീടിന് അര കിലോമീറ്റർ അകലെ വെച്ച് കുട്ടിയെ പീഡിപ്പിച്ച ശേഷം കമ്മൽ ഊരിയെടുത്ത് പ്രതി കടന്നു കളയുകയായിരുന്നു. ആദ്യം മോഷണം എന്ന് കരുതിയ സംഭവം കുട്ടിയെ വൈദ്യ പരിശോധനയ്ക്ക് വിധേയ യാക്കിയതോടെയാണ് പീഡനം എന്ന് തെളിഞ്ഞത്.
