കാനഡയിൽ ചാലക്കുടി സ്വദേശിനിയെ മരിച്ചനിലയിൽ കണ്ടെത്തിയ സംഭവം കൊലപാതകമെന്നു സൂചന: ഭർത്താവ് ഇന്ത്യയിലേക്ക് കടന്നതായി വിവരം

കാനഡയിലെ വീട്ടിൽ ചാലക്കുടി സ്വദേശിനിയായ യുവതിയെ മരിച്ച നിലയിൽ കണ്ടെത്തിയ സംഭവം കൊലപാതകം എന്ന് സൂചന. സംഭവവുമായി ബന്ധപ്പെട്ട് ഭർത്താവ് കുറ്റിച്ചിറ കണ്ണമ്പുഴ ലാൽ കെ പൗലോസിനെ പോലീസ് തിരയുന്നുണ്ട്. യുവതി മരിച്ച ദിവസം തന്നെ ലാൽ ഇന്ത്യയിലേക്ക് പോന്നതായാണ് വിവരം. പടിക്കൽ സാജന്റെയും ഫ്ലോറയുടെയും മകൾ ഡോണ സാജനെ മെയ് ഏഴിന് കാനഡയിലെ വീട്ടിൽ മരിച്ച നിലയിൽ കണ്ടെത്തുകയായിരുന്നു. വീട് പൂട്ടിക്കിടക്കുന്നത് കണ്ട് സമീപവാസികൾ പോലീസിൽ വിവരം അറിയിച്ചതിനെ തുടർന്ന് നടത്തിയ പരിശോധനയിലാണ് ഡോണയെ മരിച്ച നിലയിൽ കണ്ടെത്തിയത്. എട്ടുവർഷമായി കാനഡയിൽ ജോലിചെയ്യുന്ന ഡോണയും ലാലും മൂന്നുവർഷം മുൻപാണ് വിവാഹിതരായത്.

Read also:രണ്ട് പതിറ്റാണ്ടിനിടയിലെ ഏറ്റവും ശക്തമായ സൗരകൊടുങ്കാറ്റിൽ നിന്നും ഇന്ത്യയുടെ അന്‍പതോളം സാറ്റലൈറ്റുകളെ ഐഎസ്ആര്‍ഒ സംരക്ഷിച്ചത് ഇങ്ങനെ !