ബംഗാളിൽ മൃഗശാലയിലെ സിംഹങ്ങൾക്ക് അക്ബർ, സീത എന്നീ പേരുകൾ നൽകിയ ഉദ്യോഗസ്ഥനെ സസ്‌പെൻഡ് ചെയ്തു. ത്രിപുര വനം പ്രിൻസിപ്പൽ ചീഫ് കൺസർവേറ്റർ പ്രബിൻ ലാൽ അഗർവാളിനെതിരെയാണ് നടപടി.സിംഹങ്ങളെ ത്രിപുരയിൽ നിന്ന് ബംഗാളിലേയ്ക്ക് കൈമാറിയിരുന്നു. ആ സമയത്ത് റജിസ്റ്ററിൽ മൃഗങ്ങളുടെ പേര്
രേഖപ്പെടുത്തിയത് അഗർവാൾ ആയിരുന്നു. സിംഹങ്ങളുടെ പേരിനെതിരെ വിഎച്ച്പി കൽക്കട്ട ഹൈക്കോടതിയെ സമീപിച്ചിരുന്നു. ത്രിപുര മൃഗശാല അധികൃതരാണ് സിംഹങ്ങൾക്ക് പേര് നൽകിയതെന്ന് ബംഗാൾ വനം വകുപ്പ് ഹൈക്കോടതിയെ അറിയിച്ചതിനെ തുടർന്ന് എത്രയും പെട്ടെന്ന് പേര് മാറ്റാൻ കോടതി നിർദേശിച്ചിരുന്നു. ഇതിനിടയിലാണ് ഉദ്യോഗസ്ഥനെതിരെ നടപടി.

Read Also:കിളിമാനൂരിൽ സ്ത്രീയുടെ ശരീരം റബർതോട്ടത്തിൽ കത്തിക്കരിഞ്ഞ നിലയിൽ