മലപ്പുറം: എംഡിഎംഎക്ക് പകരം കര്പ്പൂരം നല്കി എന്നാരോപിച്ച് മലപ്പുറത്ത് യുവാക്കൾ തമ്മിൽ ഏറ്റുമുട്ടി. മലപ്പുറം ഒതുക്കുങ്ങലിലാണ് സംഘർഷമുണ്ടായത്. ഒതുക്കുങ്ങല് പെട്രോള് പമ്പിന് സമീപമാണ് സംഭവം.
ഏറ്റുമുട്ടലിനു പിന്നാലെ പൊലീസ് സംഭവ സ്ഥലത്ത് എത്തി പരിശോധന നടത്തിയെങ്കിലും ഒന്നും കണ്ടെത്തിയില്ല. വിവരം അറിഞ്ഞെത്തിയ തങ്ങള്ക്ക് മുന്നില് വെച്ചും യുവാക്കള് അടിപിടിയുണ്ടായെന്ന് ഒതുക്കുങ്ങള് പഞ്ചായത്ത് സ്റ്റാന്റിങ് കമ്മിറ്റി ചെയര്മാന് അബ്ദുല് കരീം പ്രതികരിച്ചു. പമ്പിന്റെ മുന്നില് വച്ച് മൂന്ന് പേര് അടികൂടുന്നത് കണ്ട് നാട്ടുകാര് ചോദ്യം ചെയ്യുകയായിരുന്നുവെന്ന് അദ്ദേഹം കൂട്ടിച്ചേർത്തു.
നാട്ടുകാർ യുവാക്കളെ തടഞ്ഞു നിര്ത്തി കാര്യം തിരക്കിയപ്പോൾ എംഡിഎംഎ എന്ന് പറഞ്ഞ് കര്പ്പൂരം നല്കി എന്നാണ് മറുപടി നൽകിയത്. തുടര്ന്ന് പൊലീസിനെ വിവരമറിയിച്ചു. പൊലീസ് എത്തി യുവാക്കളെ ചോദ്യം ചെയ്തു. പരിശോധനയില് ഒന്നും കണ്ടെത്താത്തതിനെ തുടര്ന്ന് മേല്വിലാസമുള്പ്പടെയുള്ള വിവരങ്ങള് ശേഖരിച്ച ശേഷം യുവാക്കളെ വിട്ടയച്ചു എന്നും അബ്ദുല് കരീം പറഞ്ഞു.
