ഹരിപ്പാട് സുഹൃത്തുക്കള്‍ക്കൊപ്പം വള്ളത്തില്‍ മീന്‍പിടിക്കുന്നതിനിടെ വള്ളംമറിഞ്ഞ് യുവാവ് മരിച്ചു. ഹരിപ്പാട് ചാക്കാട്ട് കിഴക്കതില്‍ സ്റ്റീവ് രാജേഷ് (23) ആണ് മരിച്ചത്. ശനിയാഴ്ച പുലര്‍ച്ചേ പള്ളിപ്പാട് പുഞ്ചയിലെ കുരീത്തറ ഭാഗത്താണ് സംഭവം. പുലര്‍ച്ചേ രണ്ടുമണിയോടെ മൂന്നു സുഹൃ-ത്തുക്കള്‍ക്കൊപ്പമാണ് വള്ളത്തില്‍ പോയത്.
പുഞ്ചയിലൂടെയുള്ള റോഡ് ഉള്‍പ്പെടെ മുങ്ങിയ നിലയിലാണ്. വള്ളം മറിഞ്ഞപ്പോള്‍ ഓപ്പമുണ്ടായിരുന്നവര്‍ നീന്തിരക്ഷപ്പെട്ടു. ഇവര്‍ വിവരമറിയിച്ചതനുസരിച്ച് അഗ്നിരക്ഷാസേനയും നാട്ടുകാരും ചേര്‍ന്ന് തിരച്ചില്‍ നടത്തി. രാവിലെ കുരീത്തറ ശ്മശാനത്തിന് സമീപമാണ് മൃതദേഹം കണ്ടത്.
സ്റ്റീവ് കുടുംബസമേതം ഓഡീഷയിലാണ്. 10 ദിവസം മുന്‍പാണ് നാട്ടിലെത്തിയത്. ഞായറാഴ്ച മടങ്ങിപ്പോകാനിരിക്കെയാണ് അപകടം.
