പാലക്കാട്: ധനകാര്യ ഇടപാട് സ്ഥാപനത്തിൽ യുവതിയെ മരിച്ച നിലയില് കണ്ടെത്തി. ഓങ്ങലൂർ വാടാനാംകുറുശ്ശി വടക്കേ പുരക്കൽ ഷിതയാണ് (37) മരിച്ചത്. പട്ടാമ്പിയിൽ പ്രവർത്തിക്കുന്ന ധനകാര്യ സ്ഥാപനത്തിലെ ശുചിമുറിയിലാണ് ഷിതയെ തീ കൊളുത്തി മരിച്ച നിലയില് കണ്ടെത്തിയത്.(woman was found dead after setting herself on fire in the washroom of the financial institution)
ഈ സ്ഥാപനത്തിലെ ജീവനക്കാരിയാണ് ഷിത. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. സംഭവത്തെ തുടര്ന്ന് സ്ഥലത്തെത്തിയ പൊലീസ് ഇന്ക്വസ്റ്റ് നടപടികള് പൂര്ത്തിയാക്കി മൃതദേഹം പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റി. സംഭവത്തില് കൂടുതല് വിവരങ്ങള് അന്വേഷിച്ചുവരുകയാണന്ന് പൊലീസ് അറിയിച്ചു.
