കോട്ടയം: കോട്ടയത്ത് കാർ നിയന്ത്രണം വിട്ട് പാറയിൽ ഇടിച്ച് യുവതി മരിച്ചു. തെള്ളകം സ്വദേശി ജോസ്നയാണ് അപകടത്തിൽ മരിച്ചത്.
ഒപ്പമുണ്ടായിരുന്ന സുഹൃത്ത് നീതുവിന് പരിക്കേറ്റു. ഇന്നലെ വൈകീട്ട് ആറരയോടെ കോട്ടയം രാമപുരത്തിന് സമീപം ചൂരപേട്ട വളവിലാണ് അപകടം.
കാർ ഓടിച്ചിരുന്ന വേളൂർ സ്വദേശി രഞ്ജിത്ത്, കാണക്കാരി സ്വദേശി ജോജോ എന്നിവർ പരിക്കേൽക്കാതെ രക്ഷപ്പെട്ടു.
മെഡിക്കൽ റെപ്രസന്റേറ്റീവായി ജോലി ചെയ്യുന്ന ഇവർ തൊടുപുഴയിൽനിന്നും ഏറ്റുമാനൂർ ഭാഗത്തേക്ക് വരികയായിരുന്നു.
രാമപുരം പോലീസ് മേൽനടപടികൾ സ്വീകരിച്ചു.
