വൈക്കത്ത് വീടിനുള്ളിൽ അമ്മയെയും മകനെയും മരിച്ച നിലയിൽ കണ്ടെത്തി
വൈക്കം: ഉദയനാപുരം പടിഞ്ഞാറെക്കരയിൽ അമ്മയെയും മകനെയും വീടിനുള്ളിൽ മരിച്ച നിലയിൽ കണ്ടെത്തി. തേവലക്കാട്ടിൽ താമസിച്ചിരുന്ന തങ്കമ്മ (68)യും മകൻ സുനിൽ (49)യും കിടപ്പുമുറിയിൽ തൂങ്ങിയ നിലയിലാണ് കണ്ടെത്തിയത്.
ചൊവ്വാഴ്ച രാവിലെ ക്ഷേത്രത്തിലേക്ക് പോകാൻ അയൽവാസി വിളിക്കാൻ എത്തിയപ്പോഴാണ് ഇരുവരെയും മരിച്ച നിലയിൽ കണ്ടത്. തുടർന്ന് വൈക്കം പോലീസിനെ വിവരം അറിയിക്കുകയായിരുന്നു.
സ്ഥലത്തെത്തിയ പൊലീസ് പരിശോധന നടത്തുകയും വീട്ടിൽ നിന്നു ഏതാനും വരികളുള്ള ആത്മഹത്യക്കുറിപ്പ് കണ്ടെത്തുകയും ചെയ്തു.
തങ്കമ്മയുടെ മൂത്തമകൻ അനിൽ ചെമ്പിൽ താമസിക്കുന്നു. സുനിലും തങ്കമ്മയും മാത്രമായിരുന്നു വീട്ടിൽ ഉണ്ടായിരുന്നത്. സുനിൽ മുമ്പ് ക്ഷേത്രങ്ങളിൽ പൂക്കൾ എത്തിക്കുന്ന ജോലിയും ഡ്രൈവറായി ജോലി ചെയ്തതുമാണ് വിവരം.
മൃതദേഹങ്ങൾ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. പോസ്റ്റ്മോർട്ടം റിപ്പോർട്ട് ലഭിച്ചതിന് ശേഷമേ മരണത്തിന്റെ കൃത്യമായ കാരണത്തിൽ വ്യക്തത വരികയുള്ളു.
(ശ്രദ്ധിക്കുക: ആത്മഹത്യ ഒരിക്കലും പരിഹാരമല്ല. മാനസികാരോഗ്യ സഹായം ആവശ്യമായപ്പോൾ വിദഗ്ധരുമായി ബന്ധപ്പെടുക. ‘ദിശ’ ഹെൽപ് ലൈൻ: ടോൾ ഫ്രീ 1056, 0471-2552056.)
English Summary
A mother and son were found dead inside their home in Udayanapuram, Vaikom. Thangamma (68) and her son Sunil (49) were discovered hanging in their bedroom after a neighbor came to call them for a temple visit. Police recovered a brief suicide note from the house and have begun an investigation. The bodies have been shifted to Kottayam Medical College for postmortem examination. Authorities stated that the exact cause of death will be confirmed after the report.
vaikom-mother-son-found-dead-udayanapuram
Vaikom News, Udayanapuram, Kerala Incident, Police Investigation, Kottayam Medical College, Local News
