പാട്ടും മേളവും മുറുകി; വിവാഹവീട്ടിൽ ‘അതിഥിയായി’ കള്ളനെത്തി; വരന്റെ സ്വർണമാല കവർന്നു
കോഴിക്കോട്: വടകര പൂത്തൂരിലെ വിവാഹവീട്ടിൽ നിന്ന് വരന്റെ മൂന്ന് പവൻ സ്വർണമാല മോഷ്ടിക്കപ്പെട്ടു. പൂത്തൂരിൽ പ്രകാശിന്റെ വീട്ടിലാണ് സംഭവം നടന്നത്.
വിവാഹ സൽക്കാരത്തിന്റെ ഭാഗമായി വീട്ടിൽ സംഗീത പരിപാടി സംഘടിപ്പിച്ചിരുന്നു. ഈ പരിപാടി നടക്കുന്നതിനിടെയാണ് മോഷണം നടന്നത്. അലമാര കുത്തിത്തുറന്നാണ് സ്വർണമാല കവർന്നത്.
വടകര പൊലീസ് സ്ഥലത്തെത്തി പരിശോധന നടത്തി. സംഭവത്തിൽ കേസ് രജിസ്റ്റർ ചെയ്തിട്ടുണ്ടെന്നും അന്വേഷണം പുരോഗമിക്കുകയാണെന്നും പൊലീസ് അറിയിച്ചു.
English Summary
A three-sovereign gold chain belonging to a groom was stolen from a house in Puthoor, Vadakara, Kozhikode. The theft occurred during a wedding function while a music event was underway. Police have registered a case and begun an investigation.
കോഴിക്കോട്, വടകര, വിവാഹവീട് മോഷണം, സ്വർണമാല മോഷണം, പൊലീസ് അന്വേഷണം, കുറ്റവാർത്ത, കേരള വാർത്ത
