ചുമതലയേറ്റതിന് പിന്നാലെ കടുത്ത ഉത്തരവുകളുമായി പുതിയ അമേരിക്കൻ പ്രസിഡന്റ് ഡോണള്ഡ് ട്രംപ്. ലോകാരോഗ്യസംഘടനയില് നിന്നും പാരിസ് ഉടമ്പടിയില് നിന്നും യു എസ് പിന്മാറി. ഗള്ഫ് ഓഫ് മെക്സിക്കോയുടെ പേര് മാറ്റുമെന്ന ട്രംപിന്റെ പ്രഖ്യാപനം പ്രാബല്യത്തിലായി. US withdraws from World Health Organization and Paris Agreement
ബൈഡന്റെ കാലത്ത് എല്.ജി.ബി.ടി.ക്യു വിഭാഗങ്ങളോടുള്ള തുറന്ന സമീപനങ്ങളെ തള്ളിയ ട്രംപ്, അമേരിക്കയില് ആണും പെണ്ണും എന്നിങ്ങനെ രണ്ട് വര്ഗം മാത്രമേയുള്ളൂവെന്ന് വ്യക്തമാക്കി.
ക്യൂബയെ ഭീകരരാഷ്ട്രപദവിയില് നിന്ന് പിന്വലിക്കാനുള്ള തീരുമാനം റദ്ദാക്കുന്ന ഉത്തരവിലും ട്രംപ് ഒപ്പുവച്ചു. ആദ്യ പ്രസംഗത്തില് തന്നെ, അനധികൃത കുടിയേറ്റം അവസാനിപ്പിക്കാന് അമേരിക്കന്–മെക്സിക്കന് അതിര്ത്തിയില് അടിയന്തരാവസ്ഥ പ്രഖ്യാപിച്ച ട്രംപ്, പാനമ കനാലിന്റെ നിയന്ത്രണം തിരിച്ചുപിടിക്കുമെന്ന് ചൈനയ്ക്ക് മുന്നറിയിപ്പ് നല്കി.
