കൊച്ചി: മലയാള സിനിമാ താര സംഘടനയായ ‘അമ്മ’യുടെ ട്രഷററായി നടൻ ഉണ്ണി മുകുന്ദനെ തിരഞ്ഞെടുത്തു. എതിരില്ലാതെയാണ് ഉണ്ണി മുകുന്ദനും തെരഞ്ഞെടുക്കപ്പെട്ടത്. സിദ്ദിഖ് ആയിരുന്നു മുൻവർഷം ട്രഷറർ സ്ഥാനം വഹിച്ചിരുന്നത്.(Unni mukundan elected as the AMMA treasurer)
ചൊവ്വാഴ്ചയായിരുന്നു പത്രിക പിൻവലിക്കാനുള്ള അവസാന തീയതി. പത്രികാ സമർപ്പണത്തിനുള്ള സമയം അവസാനിച്ചപ്പോള് പ്രസിഡന്റ് സ്ഥാനത്തേക്ക് മോഹന്ലാല് മാത്രമാണ് ഉണ്ടായിരുന്നത്. അമ്മ അദ്ധ്യക്ഷ സ്ഥാനത്ത് മോഹന്ലാലിന് ഇത് മൂന്നാം ഊഴമാണ്. നേരത്തെ പദവി ഒഴിയാന് മോഹന്ലാല് താല്പര്യം പ്രകടിപ്പിച്ചിരുന്നു. എന്നാല് സഹപ്രവര്ത്തകരുടെ നിര്ദേശ പ്രകാരം മോഹന്ലാല് പദവിയില് തുടരുകയായിരുന്നു.
അതേസമയം ജനറല് സെക്രട്ടറി, വൈസ് പ്രസിഡന്റ് സ്ഥാനത്തേക്ക് മത്സരം നടക്കും. ജനറല് സെക്രട്ടറിയായിരുന്ന ഇടവേള ബാബു ഒഴിഞ്ഞതിനെത്തുടര്ന്നാണ് ജനറല് സെക്രട്ടറി സ്ഥാനത്തേക്ക് പുതിയ ആളെ തേടുന്നത്. ജനറല് സെക്രട്ടറി സ്ഥാനത്തേക്ക് സിദ്ധിഖ്, കുക്കു പരമേശ്വരന്, ഉണ്ണി ശിവപാല് എന്നിവരാണ് മത്സരിക്കുന്നത്. വൈസ് പ്രസിഡന്റ് സ്ഥാനത്തേക്ക് ജഗദീഷ്, ജയന് ചേര്ത്തല, മഞ്ജു പിള്ള എന്നിവരും മത്സരിക്കുന്നുണ്ട്. ഈ രണ്ടു പദവികളിലേക്കും ഇവർ നാമനിര്ദേശ പത്രിക നല്കിയിട്ടുണ്ട്.
ജൂൺ 30തിന് കൊച്ചി ഗോകുലം കൺവെൻഷൻ സെന്ററിലാണ് അമ്മയുടെ പൊതുയോഗം നടക്കുക. മൂന്ന് കൊല്ലത്തിൽ ഒരിക്കലാണ് അമ്മ സംഘടനയുടെ തെരഞ്ഞെടുപ്പ് നടക്കാറുള്ളത്. 506 അംഗങ്ങളാണ് സംഘടനയിലുള്ളത്.
