ഈ വര്ഷം മുതല് യുകെ വിസ അപേക്ഷകളിലെ സുരക്ഷ പരിശോധന കര്ശനമാക്കാനുള്ള നടപടികള് ആരംഭിച്ച് അധികൃതർ. വിസ അപേക്ഷകളിൽ പരിശോധനകള് കൂടുതല് കര്ശനമാക്കും. സ്കില്ഡ് വര്ക്കര് അപേക്ഷകരുടെ അപേക്ഷകളെയായിരിക്കും ഇത് ഏറ്റവും കൂടുതല് ബാധിക്കുക.
ബ്രിട്ടീഷ് പൗരത്വത്തിനുള്ള അപേക്ഷകരുടെ യോഗ്യതാ മാനദണ്ഡങ്ങള് വിലയിരുത്തുന്നതില് ഹോം ഓഫീസ് ചില മാറ്റങ്ങള് വരുത്തി. ഇതില് പ്രധാനം അനധികൃതമായി ബ്രിട്ടനില് എത്തിയവരുമായി ബന്ധപ്പെട്ടാണ്. ബ്രിട്ടനില് എത്തിയത് അനധികൃതമായാണെങ്കില്, അവര് എത്രകാലം ബ്രിട്ടനില് കഴിഞ്ഞു എന്നത് പരിഗണിക്കാതെ അവരുടെ അപേക്ഷ നിരാകരിക്കും
പുതിയ സുരക്ഷാ നിയന്ത്രണങ്ങളുടെ ഭാഗമായി, അപേക്ഷകര് പങ്കാളികളുടെ രേഖകള് ഉള്പ്പെടെ ഒരു വര്ഷമോ അതില് കൂടുതലോ, താമസിച്ച എല്ലാ രാജ്യങ്ങളില് നിന്നുമുള്ള ക്രിമിനല് റെക്കോര്ഡ് പരിശോധനകള് നല്കണം.
നിരവധി ഇന്ത്യന് അപേക്ഷകര് ജോലിക്കോ പഠനത്തിനോ വേണ്ടി ഒന്നിലധികം രാജ്യങ്ങളില് താമസിച്ചിട്ടുണ്ട്. ഇത്തരക്കാര്ക്ക് ഓരോ രാജ്യത്ത് നിന്നും ക്രിമിനല് റെക്കോര്ഡ് പരിശോധനകള് നടത്തേണ്ടതായി വരും. ഇതിനു നല്ല കാലതാമസം നേരിടും. ആരോഗ്യ സംരക്ഷണത്തിലോ വിദ്യാഭ്യാസത്തിലോ ഉള്ളവരെ സൂക്ഷ്മപരിശോധന നടത്തിയതിന് ശേഷം മാത്രമാണ് രേഖകകള് നല്കുക.
