ട്വന്റി 20 ക്കെതിരെ കോണ്ഗ്രസ്
കൊച്ചി: ട്വന്റി 20 ഭരണമുള്ള പഞ്ചായത്തുകളിൽ പദ്ധതികൾ നടപ്പാക്കിയ ശേഷം ശേഷിക്കുന്ന തുക ബാങ്കിൽ നിക്ഷേപിച്ചിട്ടുണ്ടെന്ന ട്വന്റി 20-യുടെ അവകാശവാദത്തെതിരെ കോൺഗ്രസ് രൂക്ഷ വിമർശനവുമായി രംഗത്തെത്തി.
കിഴക്കമ്പലത്ത് ഗ്രാമപഞ്ചായത്തിൽ 2015 മുതൽ 2025 വരെ 32 കോടി രൂപ നീക്കിയിരിപ്പുണ്ടെന്ന ട്വന്റി 20-യുടെ വാദം “വോട്ടർമാരെ തെറ്റിദ്ധരിപ്പിക്കാൻ നടത്തുന്ന ശ്രമം” മാത്രമാണെന്ന് കോൺഗ്രസ് നേതാക്കളായ ബെന്നി ബഹനാൻ എം.പി., വി. പി. സജിീന്ദ്രൻ, മുഹമ്മദ് ഷിയാസ് എന്നിവർ ആരോപിച്ചു.
ട്വന്റി 20 ഭരണമുള്ള കുന്നത്തുനാട് പഞ്ചായത്തിൽ എട്ട് കോടി രൂപയും ഐക്കരനാടിൽ ആറുകോടിയും നീക്കിയിരിപ്പുണ്ടെന്ന അവകാശവാദവും കോൺഗ്രസ് ചോദ്യം ചെയ്തു.
എറണാകുളം ജില്ലയിലെ ട്വന്റി 20 ഭരിക്കുന്ന പഞ്ചായത്തുകളിൽ വികസന പ്രവർത്തനങ്ങളിൽ നിഷ്ക്രിയത്വം മൂലം കോടിക്കണക്കിന് രൂപ ചെലവഴിക്കാതെ ലാപ്സ് ചെയ്തതായും നേതാക്കൾ പറഞ്ഞു.
കിഴക്കമ്പലത്ത് 10 വർഷത്തിനിടെ വിവിധ പദ്ധതികൾക്കായി ചെലവഴിക്കേണ്ട 19.14 കോടി രൂപ, കുന്നത്തുനാട്ടിൽ 5 വർഷത്തിനിടെ 8.9 കോടി രൂപ, മഴുവന്നൂരിൽ 4 വർഷത്തിനിടെ 13 കോടി രൂപ എന്നിവ ലാപ്സ് ആക്കിയതായും കോൺഗ്രസ് ആരോപിച്ചു.
ഐക്കരനാട് പഞ്ചായത്തിൽ കഴിഞ്ഞ നാലുവർഷത്തിനിടെ 2.5 കോടി രൂപ ലാപ്സ് ചെയ്തതായും അവർ പറഞ്ഞു.
റോഡ് വികസനം, കുടിവെള്ളം, പൊതുജനാരോഗ്യം, വിദ്യാഭ്യാസം, പട്ടികജാതി ക്ഷേമം തുടങ്ങി അടിസ്ഥാന മേഖലകൾക്കായി അനുവദിച്ച തുകയാണ് പദ്ധതി നിഷ്ക്രിയത്വം മൂലം നഷ്ടപ്പെട്ടതെന്ന് നേതാക്കൾ ആരോപിച്ചു.
🔶 English Summary
Congress leaders alleged that the Twenty20-led panchayats in Ernakulam have failed to utilize large amounts of state and central funds, leading to crores of rupees lapsing over the years.
twenty20-fund-lapse-allegations-congress-ernakulam
Twenty20, Congress, Ernakulam Panchayats, Fund Lapse, Kizhakkambalam, Kunnathunad, Aikkaranad, Kerala Politics, Development Funds
