ലണ്ടൻ സെന്റ് പാൻക്രാസ് റയിൽവേ സ്റ്റേഷനിൽ നിന്നും ഫ്രാൻസിലേക്കും, ജർമനിയിലേക്കും നേരിട്ട് ട്രെയിൻ യാത്രക്കുള്ള പദ്ധതിയൊരുങ്ങുന്നതായി റിപ്പോർട്ട്. റെയിൽവേ സ്റ്റേഷനിലെത്തുന്ന യാത്രക്കാരുടെ എണ്ണം വർധിപ്പിക്കുന്നതിന്റെ ഭാഗമാണ് പദ്ധതി.
അന്താരാഷ്ട്ര ട്രെയിൻ യാത്രാശേഷി 1800 ൽ നിന്നും 5000 ആയി ഉയർത്താനുള്ള ഒരുക്കങ്ങൾ പദ്ധതി പ്രകാരം നടക്കുന്നുണ്ട്.
വിമാന യാത്രയോട് മത്സരിച്ച് പല യുറോപ്യൻ നഗരങ്ങളിലും അതേ സമയത്ത് ട്രെയിനിൽ എത്താൻ കഴിയുമെന്ന് സെന്റ് പാൻക്രാസ് ഹൈസ്പീഡിന്റെ വ്യക്താക്കൾ പറയുന്നു. പ്രമുഖ യൂറോപ്യൻ നഗരങ്ങളായ ബോർഡോ, കോളോൺ, ഫ്രാങ്ക്ഫർട്ട്, ജനീവ , മാർസെയിൽ , സൂറിച്ച് എന്നിവിടങ്ങളിലേക്ക് ട്രെയിൻ സർവീസുകൾ ആരംഭിക്കാനാണ് ലക്ഷ്യമിടുന്നത്.
അന്താരാഷ്ട്ര ട്രെയിൻ സർവീസുകൾ നടത്തിയിരുന്ന യൂറോ സ്റ്റാർ 2023 ജൂണിൽ ലണ്ടനും – പാരീസും ബന്ധിപ്പിക്കുന്ന സർവീസുകൾ നിർത്തിവെച്ചിരുന്നു. അന്താരാഷ്ട്ര ട്രെയിൻ യാത്രക്കുള്ള ആവശ്യങ്ങൾ യൂറോപ്പിൽ വർധിച്ചു വരുന്നതിനിടെ സർവീസുകൾ യാഥാർഥ്യമാ.ാൽ യാത്രക്കാർക്ക് ഏറെ ഗുണം ചെയ്യും.
