പുതിയ ചിത്രം ‘ജയിലര്‍’ പ്രദര്‍ശനത്തിനെത്തുന്നതിനുമുമ്പ് ഹിമാലയത്തില്‍ ധ്യാനംചെയ്യാനൊരുങ്ങി രജനീകാന്ത്. ഓഗസ്റ്റ് 10-നാണ് ജയിലര്‍ തിയേറ്ററുകളിലെത്തുന്നത്. ഇതിന് മുന്നോടിയായി ഓഗസ്റ്റ് ആറിന് ഹിമാലയത്തിലേക്ക് പോകാനാണ് രജനിയുടെ തീരുമാനം.
ഒരാഴ്ച അവിടെ തുടരും. ഇതിനുമുമ്പും പുതിയ ചിത്രങ്ങളുടെ ചിത്രീകരണം അവസാനിക്കുന്നതോടെ ഹിമാലയത്തിലേക്ക് തീര്‍ഥാടനയാത്ര നടത്തുന്ന പതിവ് രജനിക്കുണ്ടായിരുന്നു. എന്നാല്‍, ആരോഗ്യ കാരണങ്ങളാല്‍ കഴിഞ്ഞ കുറച്ചുകാലങ്ങളായി പോകാറില്ല.
രജനിക്കൊപ്പം മോഹന്‍ലാല്‍, വിനായകന്‍, തമന്ന, യോഗി ബാബു, രമ്യാകൃഷ്ണന്‍ തുടങ്ങിയവരും ശ്രദ്ധേയ വേഷങ്ങളില്‍ അഭിനയിക്കുന്ന ജയിലറിന്റെ സംവിധായകന്‍ നെല്‍സണാണ്. സിനിമയുടെ ചിത്രീകരണം അവസാനിച്ചതിനെത്തുടര്‍ന്ന് കഴിഞ്ഞദിവസം മാലദ്വീപിലേക്ക് യാത്രപോയ രജനി ചെന്നൈയില്‍ തിരിച്ചെത്തിയതിനുശേഷമാകും ഹിമാലയത്തിലേക്ക് പോകുക.
