വേങ്ങരയുടെ ‘പ്രിയപ്പെട്ട ഡോക്ടർ’ യാത്രയായി; ഡോ. ഷംസി ഇനി ഓർമ്മ.
തിരൂരങ്ങാടി: വേങ്ങര കമ്മ്യൂണിറ്റി ഹെൽത്ത് സെന്ററിലെ അസിസ്റ്റന്റ് സർജൻ ഡോ. ഷംസിയെ (43) വീട്ടിൽ മരിച്ച നിലയിൽ കണ്ടെത്തി. ഉറക്കത്തിനിടെ ഉണ്ടായ അസ്വസ്ഥതയെ തുടർന്ന് രാവിലെ വീട്ടുകാർ പരിശോധിച്ചപ്പോൾ ബോധരഹിതയായി കിടക്കുന്നതായി കണ്ടു. ഉടൻ കോട്ടക്കലിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ചർമ്മരോഗ വിദഗ്ധയായിരുന്ന ഡോ. ഷംസി ദീർഘകാലമായി വേങ്ങര സി.എച്ച്.സി-യിൽ സേവനം അനുഷ്ഠിച്ചുവരികയായിരുന്നു. മുൻപ് തിരൂരങ്ങാടി താലൂക്ക് ആശുപത്രിയിൽ ആർ.എം.ഒ ആയി പ്രവർത്തിച്ചിട്ടുണ്ട്.
ഭർത്താവ്: ശിശുരോഗ വിദഗ്ധൻ ഡോ. ഷറഫുദ്ദീൻ തൂമ്പത്ത്. മാതാപിതാക്കൾ: പി.എസ്.എം.ഒ കോളേജ് വിരമിച്ച പ്രൊഫസർമാരായ എസ്.എം. അലിയുടെയും നൂർജഹാന്റെയും മകൾ. മക്കൾ: നസൽ മുഹമ്മദ്, ഫൈസാൻ അഹമ്മദ്, കെൻസ മറിയം.
മഞ്ചേരി മെഡിക്കൽ കോളേജിൽ പോസ്റ്റുമോർട്ടം നടപടികൾ പൂർത്തിയാക്കിയ ശേഷം എടരിക്കോട് ജുമാമസ്ജിദിൽ ഖബറടക്കി.
English Summary
Dr. Shamsi (43), an assistant surgeon at Vengara Community Health Centre, was found dead at her residence in Tirurangadi. She was discovered unconscious in the morning and was rushed to a private hospital in Kottakkal, but could not be saved. A dermatologist by profession, she had been serving at Vengara CHC for a long time and had earlier worked as RMO at Tirurangadi Taluk Hospital. She is survived by her husband, children, and parents.
tirurangadi-doctor-shamsi-death-vengara-chc
Tirurangadi News, Doctor Death, Kerala Health, Vengara CHC, Medical News, Obituary Kerala
