ആലപ്പുഴ: മൂന്നു വയസ്സുകാരൻ വീടിനു സമീപത്തെ കുളത്തിൽ വീണു മരിച്ചു. ആലപ്പുഴ ചേർത്തലയിലാണ് സംഭവം. മാരാരിക്കുളം വടക്ക് പഞ്ചായത്ത് പതിനാലാം വാർഡിൽ കളത്തിൽ വീട്ടിൽ ജയ്സന്റെയും ദീപ്തിയുടെയും മകൻ ഡെയ്ൻ ആണ് മരിച്ചത്.
വീട്ടുമുറ്റത്ത് കളിച്ചു കൊണ്ടിരിക്കെയാണ് സംഭവം. പള്ളിപ്പുറത്ത് പടിഞ്ഞാറെകരിയിലുള്ള ദീപ്തിയുടെ വീട്ടിൽ വച്ച് ഞായറാഴ്ച ഉച്ചയ്‌ക്കായിരുന്നു അപകടം നടന്നത്. സംഭവസമയത്ത് കുട്ടിയുടെ മുത്തച്ഛൻ ജോസും ഭാര്യ വത്സലയും മാത്രമാണ് വീട്ടിൽ ഉണ്ടായിരുന്നത്.
ഒഡീഷയിൽ ട്രെയിൻ പാളം തെറ്റി; നിരവധി പേർക്ക് പരിക്ക്
കട്ടക്ക്: ഒഡീഷയിൽ ട്രെയിൻ പാളം തെറ്റി അപകടം. ഏഴുപേർക്ക് പരിക്കേറ്റു. ഞായറാഴ്ച രാവിലെ 11.54ഓടെയാണ് അപകടമുണ്ടായത്. ബെംഗളൂരു-കാമാക്യ എസി എക്സ്പ്രസ് ട്രെയിനാണ് പാളം തെറ്റിയത്.
കട്ടക്ക് ജില്ലയിലെ നിർഗുണ്ടിയിൽ വെച്ചാണ് അപകടമുണ്ടായത്. പരിക്കേറ്റവരെ ആശുപത്രിയിൽ പ്രവേശിപ്പിച്ചതായി ഒഡീഷ ഫയർ സർവീസ് ഡയറക്ടർ ജനറൽ സുദൻസു സാരംഗി അറിയിച്ചു. എൻഡിആർഎഫും ഒഡീഷ ഫയർ സർവീസ് സംഘവും ചേർന്നാണ് രക്ഷാപ്രവർത്തനം നടത്തിയത്.
