ഡോക്ടറെ കത്തി കാണിച്ച് ഭീഷണിപ്പെടുത്തി ചോദിച്ച മരുന്ന് എഴുതി വാങ്ങി യുവാവ്: പരാക്രമം പൊന്നാനി താലൂക്ക് ആശുപത്രിയിൽ

ഡോക്ടർക്ക് നേരെ കത്തി വീശി ഭീഷണിപ്പെടുത്തി യുവാവ്. പൊന്നാനി താലൂക്ക് ആശുപത്രിയിൽ ആണ് സംഭവം.

അമിതശേഷിയുള്ള മയക്ക് ഗുളിക  ആവശ്യപ്പെട്ടാണ് യുവാവ് ആശുപത്രിയിൽ എത്തിയത്. എന്നാൽ ഡോക്ടർ മരുന്ന് എഴുതി നൽകിയില്ല. (The young man’s bravery in the hospital by asking for an overdose of narcotic pills)

ഇതോടെ മടങ്ങി പോയ യുവാവ് പിന്നാലെ വീണ്ടും എത്തി ഡോക്ടറെ കത്തി കാണിച്ച് ഭീഷണിപ്പെടുത്തി മരുന്ന് എഴുതിച്ചു.

ചൊവ്വാഴ്‌ചയാണ് സംഭവം നടന്നത്. ആശുപത്രിയിൽ നിന്ന് ഇതിൻ്റെ സിസിടിവി ദൃശ്യങ്ങൾ പൊലീസ് ശേഖരിച്ചു.

സംഭവത്തിൽ ഡോക്ടർ പൊലീസിൽ പരാതി നൽകി. യുവാവിനെ ഉടൻ കസ്റ്റഡിയിലെടുക്കുമെന്ന് പൊലീസ് അറിയിച്ചു.