തിരുവനന്തപുരം പാറശ്ശാലയിൽ പൊഴിമുറിച്ച് കടക്കുവാന് ശ്രമിച്ച വിദ്യാര്ഥിയെ ഒഴുക്കില്പ്പെട്ട് കാണാതായി.The student who tried to cross the river in Thiruvananthapuram got swept away
കൊല്ലങ്കോട് വളളവിള കോളനിയില് പ്രിട്ടില് റോയി (16) ആണ് പൊഴി മുറിച്ച് കടക്കുവാന് ശ്രമിക്കവെ ഒഴുക്കില്പെട്ടത് വെളളിയാഴ്ച മൂന്നിനാണ് സംഭവം.
റോയിയും മറ്റ് സുഹൃത്തുക്കളുമായി കൊല്ലങ്കോട് നിന്ന് പൊഴിയൂര് പൊഴിക്കരയിലെത്തി പൊഴിക്കരുകില് നിന്ന് കുളിക്കുകയായിരുന്നു. പൊഴിയൂടെ മറുവശത്തെ തീരത്ത് യുവാക്കള് കളിക്കുന്നത് ശ്രദ്ധയില്പ്പെട്ട സംഘം ഇവിടേക്ക് പോകുന്നതിനായി പൊഴി നീന്തിക്കടക്കുവാന് ശ്രമിച്ചപ്പോഴാണ് പ്രിട്ടില് റോയ് ഒഴുക്കില്പ്പെട്ടത്.
പ്രിട്ടില്റോയിയോടൊപ്പമുണ്ടായിരുന്നവര് തിരികെ നീന്തി കയറി രക്ഷപ്പെട്ടു. രക്ഷപ്പെട്ടവരുടെ നിലവിളി കേട്ട് ഓടിയെത്തിയ മത്സ്യ തൊഴിലാളികള് വള്ളങ്ങളുമായി ഉടന് തന്നെ കടലില് പരിശോധന ആരംഭിച്ചെങ്കിലും കണ്ടെത്തുവാന് കഴിഞ്ഞില്ല.
പോലീസും മുങ്ങൽ വിദഗ്ദ്ധരും തിരച്ചിൽ നടത്തുന്നുണ്ട്.
