തിരുവനന്തപുരം: രാജ്യത്തെതന്നെ ഏറ്റവും ഉയമുള്ള മാർബിൾ വി​ഗ്രഹത്തിന്റെ നിർമ്മാണം പൂർത്തിയായി. വെങ്ങാനൂർ പൗർണമിക്കാവ് ബാല ത്രിപുര സുന്ദരിദേവീ ക്ഷേത്രത്തിൽ പ്രതിഷ്ഠിക്കുന്നതിനുള്ളതാണ് വി​ഗ്രഹം. ആദിപരാശക്തി വിഗ്രഹത്തിന്റെ കൊത്തുപണികളാണ് ഇപ്പോൾ പൂർത്തിയായിരിക്കുന്നത്. രാജസ്ഥാനിലെ ജയ്പൂരിൽ ഏകദേശം രണ്ടുവർഷം കൊണ്ടാണ് വി​ഗ്ര​ഹത്തിന്റെ നിർമ്മാണം പൂർത്തിയായത്.

രാജമാതംഗിയുടെയും ദുർഗ്ഗാദേവിയുടെയും വിഗ്രഹങ്ങളാണ് മാർബിളിൽ കൊത്തിയെടുത്തത്. 18.5 അടി ഉയരത്തിൽ ഒറ്റക്കല്ലിൽ തീർത്തതാണ് ആദി പരാശക്തിയുടെ വിഗ്രഹം. പീഠം കൂടി ആകുമ്പോൾ 23 അടി ഉയരമാകും ഉണ്ടാകുക. രാജ്യത്തെ തന്നെ ഏറ്റവും ഉയരം കൂടിയ മാർബിൾ വിഗ്രഹമാണ് ഇത്. രാജസ്ഥാനിലെ മാർബിൾ മല വിലയ്‌ക്ക് വാങ്ങിയ ശേഷമാണ് ഒറ്റക്കൽ വിഗ്രഹം കൊത്തിയെടുത്തത്. ഭയിൻസ്ലാനയിൽ നിന്നെടുത്ത 30 അടി ഉയരവും 20 അടി കനവും 40-50 ടൺ ഭാരമുള്ള മാർബിൾ ശിലയിലാണ് ആദിപരാശക്തി രൂപം കൊത്തിയെടുത്തത്. ഏകദേശം ആറ് കോടിയോളം രൂപയാണ് ചിലവഴിച്ചത്.

Read Also: മുൻകൂട്ടി ടിക്കറ്റ് ബുക്ക് ചെയ്ത യാത്രക്കാരന് എട്ടിന്റെ പണി നൽകി കെ.എസ്.ആർ.ടി.സി എസി; ബസ് വേറേവഴിക്കാണ് പോകുന്നത്, മറ്റേതെങ്കിലും ബസിൽ കയറി പോകാൻ കണ്ടക്ടറുടെ ഉപദേശം; എടപ്പാളിൽനിന്ന് എറണാകുളത്തേക്ക് ടിക്കറ്റ് റിസർവ് ചെയ്ത യാത്രക്കാരന്റെ ദുരനുഭവം ഇങ്ങനെ