കണ്ണൂര്: അധ്യാപകനെ മര്ദിച്ച സംഭവത്തിൽ രണ്ട് വിദ്യാര്ത്ഥികള്ക്കെതിരെ പൊലീസ് കേസെടുത്തു. കണ്ണൂര് പള്ളിക്കുന്ന് ഗവ. ഹയര്സെക്കന്ഡറി സ്കൂളിലെ വിദ്യാർത്ഥികൾക്കെതിരെയാണ് കേസ് എടുത്തത്. അധ്യാപക ദിനത്തിലാണ് അധ്യാപകൻ സിഎച്ച് ഫാസിലിനെ വിദ്യാർഥികൾ മർദിച്ചത്.(The incident where the teacher was beaten up; Case against two students)
മര്ദനമേറ്റ അധ്യാപകൻ പൊലീസിൽ പരാതി നല്കുകയായിരുന്നു. ഹയര്സെക്കന്ഡറി വിദ്യാര്ത്ഥികളോട് ക്ലാസിൽ കയറാൻ പറഞ്ഞതിനാണ് അക്രമത്തിനു കാരണമെന്ന് പരാതിയിൽ പറയുന്നു. വിദ്യാര്ത്ഥികളോട് ക്ലാസിൽ കയറാൻ ആവശ്യപ്പെട്ടപ്പോള് രണ്ടു വിദ്യാര്ത്ഥികള് മുഖത്തടിക്കുകയും വയറിൽ ചവിട്ടുകയും ചെയ്തുവെന്നാണ് അധ്യാപകന്റെ പരാതി. സംഭവത്തില് കേസെടുത്ത പൊലീസ് അന്വേഷണം ആരംഭിച്ചു.
