ഹൈദരാബാദ്: കുടുംബ വഴക്കിനെ തുടർന്ന് അച്ഛൻ നൽകിയ പരാതിയിൽ തെലുങ്ക് നടൻ മഞ്ചു മനോജ്‌ അറസ്റ്റിൽ. തിരുപ്പതി പൊലീസാണ് നടന്റെ അറസ്റ്റ് രേഖപ്പെടുത്തിയത്. ഇന്ന് പുലർച്ചെ തിരുപ്പതിയിലെ വീട്ടിൽ നിന്നും കസ്റ്റഡിയിലെടുക്കുകയായിരുന്നു. അച്ഛൻ മോഹൻ ബാബു നൽകിയ പരാതിയിലാണ് അറസ്റ്റ്. മാസങ്ങളായി ഇരുവരും തമ്മിൽ സ്വത്തിന്റെ വിഭജനത്തെ ചൊല്ലി തർക്കം നിലനിൽക്കുന്നുണ്ടായിരുന്നു.
500 ലധികം സിനിമകളിൽ അഭിനയിച്ചിട്ടുള്ള മുതിർന്ന തെലുങ്ക് സിനിമാ താരമാണ് പിതാവ് മോഹൻ ബാബു. നിർമ്മാതാവ് എന്ന നിലയിലും അദ്ദേഹം ശ്രദ്ധേയനാണ്. മലയാളത്തിൽ വൻ ഹിറ്റായ മോഹൻലാൽ ചിത്രങ്ങളായ നരസിംഹം, ദേവസുരം എന്നീ സിനിമകളുടെ തെലുങ്ക് റീമേക്കിൽ മോഹൻ ബാബുവായിരുന്നു നായക വേഷത്തിൽ എത്തിയത്.
മോഹൻ ബാബുവും ഇളയമകൻ മഞ്ചു മനോജും അടുത്തിടെ പരസ്യമായി ആരോപണങ്ങൾ ഉന്നയിച്ച് രംഗത്തെത്തിയിരുന്നു. ഇതോടെയാണ് കുടുംബത്തിനുള്ളിലെ പുകച്ചിലുകൾ പുറത്തറിയുന്നത്.
