ഒരിടവേളയ്ക്കു ശേഷം കാർഷിക വിപണിയിൽ ഉണർവ്. രാജ്യാന്തര വിപണിയിലെ കുതിപ്പിന് പിന്നാലെ ഇന്ത്യയിലും റബർ വില കിലോയ്ക്ക് 200 കടന്നു. ആർ.എസ്.എസ് ഫോർ ഷീറ്റ് വില 180ൽ നിന്ന് 185.50 രൂപയായി. വ്യാപാരി വില 175ൽ നിന്ന് 180.50 രൂപയിലേക്കും ഉയർന്നു. വില വർദ്ധനയ്ക്ക് തടയിടാൻ ടയർ കമ്പനികൾ വിപണിയിൽ നിന്ന് വിട്ടു നിന്നെങ്കിലും കാര്യമായ പ്രയോജനമുണ്ടായില്ല. എന്നാൽ, ടാപ്പിംഗ് നടക്കാത്തതിനാൽ വില വർദ്ധനയുടെ ഗുണം സാധാരണ കർഷകർക്ക് ലഭിച്ചില്ല. ഷീറ്റ് ശേഖരിച്ച് വച്ചിരുന്ന വൻകിടക്കാർക്ക് നേട്ടമുണ്ടായി. ഒന്നര മാസമായി മികച്ച നേട്ടത്തോടെ നീങ്ങിയ കുരുമുളക് കഴിഞ്ഞ വാരം തിരിച്ചടി നേരിട്ടു. അതേസമയം വിലകൂടുമെന്ന പ്രതീക്ഷയിൽ ചരക്ക് വിൽക്കാതെ സൂക്ഷിച്ച വൻകിടക്കാർ പ്രതിസന്ധിയിലായി.

ബാങ്കോക്കിൽ ആർ.എസ്.എസ് 4 വില 205 രൂപയിലെത്തി. കാലാവസ്ഥാ വ്യതിയാനവും രോഗ വ്യാപനവും ഉത്പാദനത്തിൽ ഇടിവുണ്ടാക്കിയതാണ് രാജ്യാന്തര വില 200 രൂപ കടത്തിയത്. ബാങ്കോക്കിൽ ആർ.എസ്.എസ് 4 വില 205 രൂപയിലെത്തി. കുറഞ്ഞ വിലയ്ക്ക് ഉത്തരേന്ത്യയിൽ കുരുമുളക് ലഭിക്കുന്നതാണ് കേരളത്തിന് തിരിച്ചടി. ഇറക്കുമതി ചെയ്യുന്ന മുളക് കർണാടകയിലെ മൂപ്പു കുറഞ്ഞ കുരുമുളകിനൊപ്പം​ കലർത്തി കിലോക്ക് 300 രൂപക്കാണ് ഉത്തരേന്ത്യയിലെ മസാല കമ്പനികൾക്ക് വിൽക്കുന്നത്.

Read also:രാജ്യാന്തര അവയവക്കടത്ത്; മാഫിയ തലവൻ ഇറാനിയൻ മലയാളി; പിടികൂടാൻ ബ്ലൂ കോർണർ നോട്ടീസ്; കാടടച്ച് പൂട്ടാൻ അന്വേഷണ സംഘം