തിരുവനന്തപുരം: എഴുന്നള്ളിപ്പിനിടെ ആനപ്പുറത്തുനിന്ന് വീണ് ശാന്തിക്കാരന് ഗുരുതരമായി പരിക്കേറ്റു. തിരുവനന്തപുരത്ത് ക്ഷേത്രോത്സവത്തിന്റെ ഭാഗമായുള്ള എഴുന്നള്ളിപ്പിനിടെയാണ് സംഭവം. ഇന്ന് പുലര്ച്ചെയാണ് അപകടമുണ്ടായത്.
തിരുവനന്തപുരം കാവിൽക്കടവ് വലിയശാലയിലെ എഴുന്നള്ളിപ്പിനിടെയാണ് സംഭവം. കാവിൽക്കടവ് കോവിലിലെ ശാന്തിക്കാരൻ പത്മനാഭനാണ് പരിക്കേറ്റത്. പത്മനാഭൻ ഉറങ്ങിപ്പോയതാകാം താഴെ വീഴാൻ കാരണമെന്നാണ് സംശയം.
ഗുരുതരമായി പരിക്കേറ്റ പത്മനാഭനെ സ്വകാര്യ ആശുപത്രിയിൽ പ്രവേശിപ്പിച്ചു.
ആരാണാ ഭാഗ്യവാൻ; പത്തു കോടിയുടെ സമ്മര് ബമ്പര് നറുക്കെടുപ്പ് ഇന്ന്
തിരുവനന്തപുരം: സംസ്ഥാന സമ്മര് ബമ്പര് ഭാഗ്യക്കുറി നറുക്കെടുപ്പ് ഇന്ന്. പത്തു കോടി രൂപയാണ് ഒന്നാം സമ്മാനം. ഇന്ന് ഉച്ചയ്ക്ക് രണ്ടുമണിക്കാണ് നറുക്കെടുപ്പ്. 250 രൂപയാണ് ടിക്കറ്റ് വില.
വില്പ്പനയില് പാലക്കാട് ജില്ലയാണ് മുന്നില്. 36 ലക്ഷം ടിക്കറ്റുകളാണ് ഇക്കുറി വിതരണത്തിനായി എത്തിച്ചത്. 50 ലക്ഷം രൂപ രണ്ടാം സമ്മാനമായുള്ള ബമ്പറിന് 500 രൂപയില് വരെ അവസാനിക്കുന്ന ആകര്ഷകമായ സമ്മാനങ്ങളാണ് ഉള്ളത്.
മൂന്നാം സമ്മാനമായി അഞ്ചു ലക്ഷം രൂപ ഓരോ പരമ്പരയിലും രണ്ടു വീതം ആകെ 60 ലക്ഷവും നൽകും. അവസാന അഞ്ചക്കത്തിന് നാലാം സമ്മാനമായി ഒരു ലക്ഷവും നല്കും. കൂടാതെ 5000, 2000, 1000, 500 രൂപയുടെ സമ്മാനങ്ങളുമുണ്ട്.
