ഗുരുവായൂർ ക്ഷേത്രത്തിൽ ദർശനം നടത്തണമെന്ന് യേശുദാസ് പറഞ്ഞട്ടില്ല; തന്ത്രി ചേന്നാസ് ദിനേശൻ നമ്പൂതിരിപ്പാട്
കൊച്ചി: കേരളത്തിലെ ക്ഷേത്രങ്ങളിൽ അഹിന്ദുക്കൾക്ക് പ്രവേശനം അനുവദിക്കണമോ എന്നതുമായി ബന്ധപ്പെട്ട തീരുമാനം എടുക്കേണ്ടത് സർക്കാരാണെന്ന് ഗുരുവായൂർ ക്ഷേത്ര തന്ത്രി ചേന്നാസ് ദിനേശൻ നമ്പൂതിരിപ്പാട് വ്യക്തമാക്കി.
ദ ന്യൂ ഇന്ത്യൻ എക്സ്പ്രസ് ദിനപത്രത്തിന് നൽകിയ അഭിമുഖത്തിലാണ് അദ്ദേഹം നിലപാട് തുറന്നുപറഞ്ഞത്.
“ഇക്കാര്യത്തിൽ ഞങ്ങൾക്ക് ഇടപെടാനാവില്ല. മുൻകാലങ്ങളിൽ കേരളത്തിലെ ക്ഷേത്രങ്ങളിൽ അവർണർക്ക് പോലും പ്രവേശനം ഉണ്ടായിരുന്നില്ല. ക്ഷേത്ര പ്രവേശന വിളംബരത്തിന് ശേഷമാണ് അതിൽ മാറ്റമുണ്ടായത്.
അതിനാൽ അഹിന്ദുക്കളുടെ പ്രവേശനവുമായി ബന്ധപ്പെട്ട തീരുമാനം സർക്കാരാണ് എടുക്കേണ്ടത്, ഞങ്ങളല്ല,” എന്നും അദ്ദേഹം പറഞ്ഞു.
ഗുരുവായൂർ ക്ഷേത്രത്തിൽ ദർശനം നടത്തണമെന്ന ആവശ്യം ഗായകൻ കെ.ജെ. യേശുദാസ് ഇതുവരെ ഉന്നയിച്ചിട്ടില്ലെന്നും തന്ത്രി വ്യക്തമാക്കി. “ഈശ്വരൻ അനുഗ്രഹിച്ച മഹാനായ കലാകാരനാണ് യേശുദാസ്.
പത്മനാഭസ്വാമി ക്ഷേത്ര ദർശനത്തിന് അദ്ദേഹത്തെ ക്ഷണിച്ചിട്ടുണ്ടെങ്കിലും അദ്ദേഹം പോയിട്ടില്ല. സ്വന്തം മതപരമായ നിലപാടുകൾക്കനുസരിച്ചാണ് അദ്ദേഹം തീരുമാനങ്ങൾ എടുക്കുന്നത്.
സർക്കാർ തലത്തിൽ തീരുമാനമുണ്ടായാൽ മാത്രമേ അത്തരം കാര്യങ്ങളിൽ മാറ്റമുണ്ടാകൂ,” എന്നും ദിനേശൻ നമ്പൂതിരിപ്പാട് പറഞ്ഞു.
ആറന്മുള ക്ഷേത്രത്തിൽ യേശുദാസ് ബലിക്കല്ല് വരെയേ പോയിട്ടുള്ളുവെന്നും അദ്ദേഹം ചൂണ്ടിക്കാട്ടി.
യൂസഫലി കേച്ചേരി ക്ഷേത്രത്തിൽ വരുമ്പോൾ പുറത്തു നിന്നാണ് അദ്ദേഹം പ്രാർത്ഥിച്ചിരുന്നതെന്നും, അതുപോലെ നിരവധി പേർ ക്ഷേത്രങ്ങളിൽ എത്തി പുറത്തു നിന്നു തൊഴുന്ന പതിവുണ്ടെന്നും തന്ത്രി പറഞ്ഞു.
“തന്നെ പഠിപ്പിച്ചിരുന്ന ഒരു അധ്യാപികയും ഇത്തരത്തിൽ ക്ഷേത്രത്തിൽ വരാറുണ്ടായിരുന്നു. ഞാൻ ഉണ്ടാകുമ്പോൾ വരരുതെന്ന് ടീച്ചറോട് പറഞ്ഞിരുന്നു. അത് എനിക്ക് വിഷമമാകുമെന്നു പറഞ്ഞതാണ്,” എന്നും അദ്ദേഹം അഭിമുഖത്തിൽ വ്യക്തമാക്കി.
English Summary
Guruvayur Temple Tantri Chennas Dineshan Namboothiripad has stated that the decision on allowing non-Hindus entry into temples in Kerala should be taken by the government, not temple authorities. Speaking to The New Indian Express, he said temple entry norms have historically changed only through government decisions. He also noted that singer K. J. Yesudas has never sought darshan at Guruvayur Temple and has maintained his religious stance despite invitations. The Tantri added that several non-Hindus visit temples to pray from outside, a practice he has personally witnessed.
temple-entry-non-hindus-decision-government-says-guruvayur-tantri
Guruvayur Temple, Chennas Dineshan Namboothiripad, temple entry, non-Hindus, Kerala temples, K J Yesudas, government decision, religious debate
