പുലർച്ചെ മൂന്നിന് നാടിനെ നടുക്കിയ ഭീകര ശബ്ദം; ഉറങ്ങിക്കിടന്ന മറിയം ബീവിയുടെ മേലേക്ക് ലോറി പതിച്ചു; അടൂരിലെ ദാരുണ സംഭവം
പത്തനംതിട്ട: അടൂരിലെ പറക്കോട് നിയന്ത്രണം വിട്ട ടോറസ് ലോറി വീടിന് മുകളിലേക്ക് മറിഞ്ഞുണ്ടായ അപകടത്തിൽ വീട്ടമ്മ മരിച്ചു. പുലർച്ചെ മൂന്നുമണിയോടെയായിരുന്നു ദാരുണ സംഭവം.
മറിയം ബീവിയാണ് മരിച്ചത്. ഉറങ്ങിക്കിടന്നതിനിടെയാണ് ലോറി വീടിന് മുകളിലേക്ക് പതിച്ചത്.
റോഡരികിലെ വൈദ്യുതി പോസ്റ്റ് ഇടിച്ചുതകർത്ത ശേഷമാണ് ലോറി വീടിന് മുകളിലേക്ക് മറിഞ്ഞത്. അപകടത്തിൽ വീടിന്റെ ഭിത്തി പൂർണമായും തകർന്നു. ഇതിനടിയിൽപ്പെട്ട മറിയം ബീവിയെ പുറത്തെടുക്കാൻ മണിക്കൂറുകളോളം രക്ഷാപ്രവർത്തനം തുടരേണ്ടിവന്നു.
വലിയ ശബ്ദം കേട്ട് നാട്ടുകാർ ഓടിയെത്തി ഫയർഫോഴ്സിനെയും പൊലീസിനെയും വിവരം അറിയിക്കുകയായിരുന്നു. ഫയർഫോഴ്സ് സംഘം ഏറെ നേരം പരിശ്രമിച്ചാണ് മറിയം ബീവിയെ പുറത്തെടുത്തത്.
ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
സംഭവത്തിൽ പൊലീസ് അന്വേഷണം ആരംഭിച്ചു.
English Summary
A woman died after a Taurus lorry lost control and overturned onto a house in Pathanamthitta’s Parakode area early in the morning. The victim, Mariyam Beevi, was trapped under the collapsed structure while sleeping. Despite rescue efforts, her life could not be saved.
