ഇലക്ട്രിക് വാഹന വിപണിയിൽ ഏറെ മുന്നിലാണ് ടാറ്റ. ഇപ്പോഴിതാ ബാറ്ററിയുടെ വില കുറയുന്ന പശ്ചാതലത്തിൽ വിവിധ ഇലക്ട്രിക് വാഹനങ്ങളുടെ വിലകുറച്ച് ടാറ്റ മോട്ടോർസ് രംഗത്ത് എന്നതാണ് പുറത്തുവരുന്ന റിപ്പോർട്ടുകൾ . 1.2 ലക്ഷം രൂപ വരെയാണ് കുറച്ചിരിക്കുന്നത്. നിലവിലും ഭാവിയിലും ബാറ്ററികളുടെ വില കുറയുന്നതിനാൽ അതിന്റെ പ്രയോജനം ഉപഭോക്താൾക്ക് കൂടി ലഭിക്കേണ്ടതിനാലാണ് വിലകുറക്കുന്നതെന്ന് ടാറ്റ വ്യക്തമാക്കി.
ഇത് പ്രകാരം എസ്.യു.വി. മോഡലായ നെക്സോൺ ഇ.വിക്ക് 25,000 രൂപയും ഹാച്ച്ബാക്ക് മോഡലായ ടിയാഗോ ഇ.വിക്ക് 70,000 രൂപയുമാണ് വില കുറച്ചിരിക്കുന്നതെന്ന് ടാറ്റ മോട്ടോഴ്സ് അറിയിച്ചു.അതേസമയം ടാറ്റയുടെ ഇലക്ട്രിക് വാഹന ശ്രേണിയിൽ ഏറ്റവും ഒടുവിലെത്തിയ മോഡലായ പഞ്ച് ഇ.വിയുടെ വിലയിൽ മാറ്റം വരുത്തിയിട്ടില്ലെന്നാണ് ടാറ്റ മോട്ടോഴ്സ് അറിയിച്ചിരിക്കുന്നത്.
വിലകുറയുന്നത് വിപണിക്ക് ഉണർവേകുമെന്നും ഇലക്ട്രിക് വാഹനങ്ങളെ ഒന്നുകൂടി സാധാരണക്കാരിലേക്ക് അടുപ്പിക്കുമെന്നാണ് കമ്പനി കണക്കാക്കുന്നത്. ഇന്ത്യയിലെ ഇലക്ട്രിക് പാസഞ്ചർ വാഹന വിപണിയിൽ ടാറ്റ മോട്ടോഴ്സിന് 70 ശതമാനത്തിലധികം വിഹിതമുണ്ട്. നിലവിൽ ഇന്ത്യയിലെ കാർ വിൽപ്പനയുടെ 2 ശതമാനം മാത്രമാണ് ഇലക്ട്രിക് വേരിയൻ്റുകൾ.ഇലക്ട്രിക് വാഹനങ്ങളുടെ കുറഞ്ഞ വേരിയൻ്റുകളാണ് ഇപ്പോൾ കൂടുതൽ ആളുകളും വാങ്ങുന്നത്.
Read Also : വാഹന രംഗത്ത് പുത്തൻ വിപ്ലവം : 7-സീറ്റർ എസ്യുവിയുമായി മാരുതി
