ഇന്നലെ തയ്യാറാക്കിയ കറി എത്ര രുചികരമാണെങ്കിലും അടുത്തദിവസമാണ് അതിനു രൂചികൂടുന്നത് എന്ന് അവകാശപ്പെടുന്ന കുറച്ചുപേർ ഉണ്ട് . തലേന്നത്തെ മീൻ കറിയും പഴങ്ക‌ഞ്ഞിയും തൈരുമെല്ലാം കഴിക്കുന്നതിനെ കുറിച്ച് ഗൃഹാതുരമായി സംസാരിക്കുന്നവരായിരിക്കും ഇവർ . എന്നാൽ മറ്റു ചിലർ ഉണ്ട് ഭക്ഷണം പഴകിയത് കഴിക്കാൻ വലിയ പ്രയാസമായിരിക്കും ഈകൂട്ടർക്ക് . രുചിയിലോ ഗന്ധത്തിലോ വ്യത്യാസം അനുഭവപ്പെടുമ്പോൾ അത്തരം ഭക്ഷണങ്ങൾ കഴിക്കാതെ ഇരിക്കുന്നതാണ് നല്ലത് . പുളിപ്പിച്ചും സൂക്ഷിച്ച് വച്ച് കുറുക്കിയും കഴിക്കുന്ന വിഭവങ്ങളിലധികമുള്ള വിഭവങ്ങളെല്ലാം തന്നെ ഫ്രിഡ്ജിൽ വച്ചാലും നിശ്ചിത കാലയളവിലേക്കേ ഉപയോഗിക്കാവൂ. അതല്ലെങ്കിൽ ഭക്ഷ്യവിഷബാധ വരാൻ സാധ്യതകളേറെയാണ്. ഇക്കാര്യം ഏവരും പ്രത്യേകം ശ്രദ്ധിക്കുക. എന്നാൽ എന്തുകൊണ്ടാണ് പഴകിയ ഭക്ഷണത്തിന് രൂചി കൂടുതൽ എന്ന് അറിയുമോ ? സത്യത്തിൽ ഇങ്ങനെ പഴയ ഭക്ഷണം കഴിക്കുന്നതിൽ രുചി തോന്നാൻ ചില കാരണങ്ങളുണ്ട്.
കറി കട്ടിയാകുന്നത്
പഴകുമ്പോൾ പല കറികളും മറ്റും കട്ടിയാകും. ഇതും രുചി കൂട്ടാൻ കാരണമാകും. എല്ലാ വിഭവങ്ങളിലുമല്ല, ചില വിഭവങ്ങളിൽ തന്നെയാണ് ഈ മാറ്റവും സംഭവിക്കുക.
കെമിക്കൽ റിയാക്ഷൻ
ചില വിഭവങ്ങളിൽ പഴകുമ്പോൾ നടക്കുന്ന കെമിക്കൽ റിയാക്ഷൻസ് ആ വിഭവങ്ങൾക്ക് രുചിയും ഗന്ധവുമെല്ലാം കൂടുതലായി നൽകും. എന്നാൽ എല്ലാ വിഭവങ്ങളും അങ്ങനെയല്ല. മീൻകറി പോലുള്ള വിഭവങ്ങൾ ഇതിന് പേര് കേട്ടിട്ടുള്ളതാണ്.
ഫ്രിഡ്ജിൽ സൂക്ഷിക്കുന്നത്
ഭക്ഷണം പഴകുമ്പോൾ സത്യത്തിൽ ഇതിൻറെ രുചി നഷ്ടപ്പെടുകയും അരുചി കയറുകയുമാണ് ചെയ്യുക. ചില വിഭവങ്ങൾ മാത്രമാണ് ഇതിൽ നിന്ന് നമുക്കൊഴിവാക്കാൻ ആവുക. മറ്റ് എല്ലാം തന്നെ ഫ്രിഡ്ജിൽ സൂക്ഷിക്കേണ്ടത് നിർബന്ധമാണ്. ഇതുതന്നെയാണ് മിക്കവരും ചെയ്യുന്നതും. ഫ്രിഡ്ജിൽ സൂക്ഷിച്ച ഭക്ഷണങ്ങളാകട്ടെ പുറത്തെടുത്ത്- അൽപസമയം വച്ച ശേഷം ചൂടാക്കി കഴിക്കുമ്പോൾ അതേ രുചി കിട്ടാം.
ബാക്കിയാകുന്ന ഭക്ഷണത്തോട്
പഴയ ഭക്ഷണത്തിന് രുചി തോന്നുന്നതിന് പിന്നിൽമനശാസ്ത്രപരമായ കാരണങ്ങളുമുണ്ട്. അതായത് ഭക്ഷണം ബാക്കിയാകുന്നത്- മിക്കപ്പോഴും അളവിൽ കുറവായിരിക്കും. ഇങ്ങനെ വരുമ്പോൾ ഭക്ഷണം രുചിയായി തോന്നുന്നത് മനശാസ്ത്രപരമാണ്. ഇതും ധാരാളം സന്ദർഭങ്ങളിൽ പ്രാവർത്തികമാകുന്ന മനശാസ്ത്രം തന്നെ.
Read Also : മഞ്ഞുകാലത്തെ തലവേദന; കാരണങ്ങൾ പലതാണ്
