പത്തനംതിട്ട: ശബരിമലയിൽ ദർശനത്തിനായി എത്തുന്ന തീർഥാടകർക്കായി പത്തനംതിട്ട ജില്ലാ ഭരണകൂടം നിർമിച്ച സ്വാമി എഐ ചാറ്റ് ബോട്ടിന് വൻ സ്വീകാര്യത. ഇതുവരെ 1.25 ലക്ഷത്തിലധികം പേരാണ് ചാറ്റ് ബോട്ട് ഉപയോഗിച്ചത്. മൂവായിരത്തോളം കേസുകളിൽ ഇതുവരെ ഇടപെടൽ നടത്തി.(Swamy AI chatbot; More than 1.25 lakh people have used it)
ആറ് വ്യത്യസ്ഥ ഭാഷകളിലായാണ് ചാറ്റ് ബോട്ട് പ്രവർത്തിക്കുന്നത്. ശബരിമലയിലെ നടതുറക്കൽ പൂജാസമയം, വിമാനത്താവളങ്ങൾ, റെയിൽവേ സ്റ്റേഷനുകൾ എന്നിവയെക്കുറിച്ചുള്ള വിവരങ്ങളും ഭക്തർക്ക് എളുപ്പത്തിൽ ലഭിക്കും. 6238008000 എന്ന വാട്ട്സാപ്പ് നമ്പറിലേക്ക് ഹായ് അയച്ചോ അല്ലെങ്കിൽ ക്യൂ ആർ കോ‍ഡ് സ്കാൻ ചെയ്തോ സ്വാമി ബോട്ട് ഉപയോഗിക്കാം. അനുയോജ്യമായ ഭാഷ ഉപയോഗിച്ച് ചാറ്റ് ബോട്ടുമായി സംസാരിക്കുകയും സംശയ ദൂരികരണം നടത്തുകയും ചെയ്യാം.
ഭക്ഷണ വിഭവങ്ങൾ, കെഎസ്ആര്‍ടിസി ബസ് സമയങ്ങള്‍, കാലാവസ്ഥാ അപ്ഡേറ്റുകള്‍, ക്ഷേത്ര സേവനങ്ങള്‍, താമസ ബുക്കിംഗ് എന്നിവയെല്ലാം സ്വാമി ചാട്ട് ബോട്ട് വഴി ഭക്തർക്ക് ലഭ്യമാകും.
