തൃശൂര്: ലോക്സഭാ തെരഞ്ഞെടുപ്പിലെ വിജയത്തിന് പിന്നാലെ തൃശൂര് ലൂര്ദ് മാതാവിന്റെ പള്ളിയിലെത്തി മാതാവിന് സ്വര്ണ്ണ കൊന്ത സമര്പ്പിച്ച് കേന്ദ്ര സഹ മന്ത്രി സുരേഷ് ഗോപി. തുടര്ന്ന് പൂമാലയും സമര്പ്പിച്ചു. ശേഷം പള്ളിയിലെ താഴത്തെ നിലയിലുള്ള ഭൂഗര്ഭ ആരാധാന കേന്ദ്രത്തിലേക്ക് പോയി.(Suresh gopi visited Our Lady of Lourdes Metropolitan Cathedral)
തൃശൂരിലെ മുരളീമന്ദിരത്തിലെത്തി കെ കരുണാകരന്റെ സ്മൃതി കുടീരത്തില് പുഷ്പാര്ച്ചന നടത്തിയശേഷമാണ് സുരേഷ് ഗോപി ലൂര്ദ് പള്ളിയിലെത്തിയത്. ഭൂഗര്ഭ ആരാധാന കേന്ദ്രത്തിൽ വെച്ച് പാട്ടു പാടികൊണ്ട് സുരേഷ് ഗോപി മാതാവിന് ആരാധന നടത്തി. നന്ദിയാൽ പാടുന്നുദൈവമേ എന്ന എന്ന പാട്ടാണ് സുരേഷ് ഗോപി പാടിയത്. തെരഞ്ഞെടുപ്പ് വിജയത്തിലെ നന്ദി അറിയിച്ചുകൊണ്ടാണ് സുരേഷ് ഗോപിയുടെ ലൂര്ദ് പള്ളിയിലെ സന്ദര്ശനം.
നന്ദി എന്ന് പറയുന്നത് ഹൃദയത്തിലാണുള്ളതെന്നും അത് ഉല്പന്നങ്ങളില് അല്ലെന്നും സ്വര്ണ കൊന്ത സമര്പ്പിച്ചശേഷം സുരേഷ് ഗോപി പ്രതികരിച്ചു. ഭക്തിപരമായ നിര്വഹണത്തിന്റെ മുദ്രയാണ് സ്വര്ണ കൊന്തയെന്നും സുരേഷ് ഗോപി പറഞ്ഞു. തെരഞ്ഞെടുപ്പിന് മുമ്പ് മകളുടെ വിവാഹത്തോടനുബന്ധിച്ച് സുരേഷ് ഗോപി ലൂര്ദ് മാതാവിന് സ്വര്ണ കിരീടം സമര്പ്പിച്ചിരുന്നു. എന്നാൽ കിരീടത്തിന്റെ തൂക്കം നോക്കണമെന്നാവശ്യപ്പെട്ട് വിവാദങ്ങൾ ഉയർന്നു വന്നിരുന്നു.
Read Also: തൃശൂരിലെ വിവിധയിടങ്ങളില് ഭൂചലനം
Read Also: റോജിക്കു കൂട്ടായി ഇനി ലിപ്സി; അങ്കമാലി എംഎൽഎ റോജി എം. ജോൺ വിവാഹിതനാകുന്നു
Read Also: ഒന്നു തല കാണിച്ചശേഷം ‘മുങ്ങി’ കാലവർഷം; അടുത്തയാഴ്ച ശക്തമാകുമെന്ന് വിദഗ്ദർ; കുറയാൻ കാരണം…..
