ന്യൂഡല്ഹി: ബലാത്സംഗക്കേസില് നടന് സിദ്ദിഖിന് സുപ്രീംകോടതി മുന്കൂര് ജാമ്യം അനുവദിച്ചു. ജസ്റ്റിസുമാരായ ബേല എം ത്രിവേദി, സതീഷ് ചന്ദ്ര ശര്മ്മ എന്നിവരുള്പ്പെട്ട ഡിവിഷന് ബെഞ്ചാണ് ജാമ്യം അനുവദിച്ചത്. യുവനടി നല്കിയ ബലാത്സംഗ പരാതിയിലാണ് കോടതി ജാമ്യം അനുവദിച്ചത്. (Supreme Court granted anticipatory bail to actor Siddique)
കേസിൽ നേരത്തെ സിദ്ദിഖിന് സുപ്രീംകോടതി ഇടക്കാല ജാമ്യം അനുവദിച്ചിരുന്നു. കേസ് അന്വേഷണവുമായി സിദ്ദിഖ് സഹകരിക്കണം, പാസ്പോര്ട്ട് കോടതിയില് സറണ്ടര് ചെയ്യണം തുടങ്ങിയ ഉപാധികളോടെയാണ് ജാമ്യം നൽകിയത്. അറസ്റ്റ് ചെയ്യുകയാണെങ്കിൽ ജാമ്യത്തില് വിടണമെന്ന് പൊലീസിനും നിര്ദേശം നല്കിയിട്ടുണ്ട്.
നടി പരാതി നല്കാനുണ്ടായ കാലതാമസം സിദ്ദിഖ് സുപ്രീംകോടതിയില് വീണ്ടും ഉന്നയിച്ചു. സല്പ്പേര് നശിപ്പിക്കുക ലക്ഷ്യമിട്ടുള്ള അപകടകരമായ നീക്കമാണ് പരാതിയ്ക്ക് പിന്നിലുള്ള ലക്ഷ്യം. പരാതി സിനിമാ മേഖലയെ തകര്ക്കുക കൂടി ലക്ഷ്യമിട്ടുള്ളതാണ് എന്നും സിദ്ദിഖിന്റെ അഭിഭാഷകനായ മുകുള് റോഹ്തഗി കോടതിയില് പറഞ്ഞു. തന്റെ കൈവശമുള്ള തെളിവുകളെല്ലാം അന്വേഷണ സംഘത്തിന് കൈമാറിയിട്ടുണ്ടെന്നും സിദ്ദിഖ് കോടതിയെ അറിയിച്ചു.
ഏലം വില ഉയരുമോ ? എന്ന് മുതലാണ് ഇടിവുണ്ടാകുക ? വിദഗ്ദ്ധരുടെ വിലയിരുത്തൽ ഇങ്ങനെ:
