വിഷുവിനും ഈസ്റ്ററിനും സപ്ലൈകോയുടെ വമ്പൻ സർപ്രൈസ്:വമ്പൻ ഓഫറുകളും കൈനീട്ടവും!

തിരുവനന്തപുരം: സംസ്ഥാനത്തെ സാധാരണക്കാർക്ക് ആശ്വാസവുമായി സപ്ലൈകോയുടെ ഈസ്റ്റർ-വിഷു വിപണികൾ നാളെ മുതൽ സജീവമാകുന്നു.

ഏപ്രിൽ 14 വരെ നീണ്ടുനിൽക്കുന്ന ഈ വിപണന മേളയിലൂടെ മിതമായ നിരക്കിൽ ഗുണനിലവാരമുള്ള സാധനങ്ങൾ ജനങ്ങളിലെത്തിക്കാനാണ് സർക്കാർ ലക്ഷ്യമിടുന്നത്.

മാവേലി സ്റ്റോറുകൾ ഒഴികെയുള്ള സപ്ലൈകോയുടെ പ്രധാന ഔട്ട്‌ലെറ്റുകളെല്ലാം ഈ ദിവസങ്ങളിൽ ഉത്സവ ചന്തകളായി മാറും.

1250 രൂപയുടെ വിഭവങ്ങൾ വെറും 1001 രൂപയ്ക്ക്; സപ്ലൈകോയുടെ ‘വിഷുക്കണി പ്രത്യേക കിറ്റ്’

വിഷു ആഘോഷങ്ങൾക്കായി മലയാളിക്ക് ഏറ്റവും കൂടുതൽ ആവശ്യമുള്ള 16 ഇനം സാധനങ്ങൾ ഉൾപ്പെടുത്തിയാണ് സപ്ലൈകോ ‘വിഷുക്കണി കിറ്റ്’ തയ്യാറാക്കിയിരിക്കുന്നത്.

വിപണിയിൽ ഏകദേശം 1250 രൂപയോളം വിലവരുന്ന ഈ കിറ്റ് വെറും 1001 രൂപയ്ക്കാണ് ഉപഭോക്താക്കൾക്ക് ലഭിക്കുക.

കിറ്റിൽ ഉൾപ്പെട്ടിട്ടുള്ള പ്രധാന സാധനങ്ങൾ: പഞ്ചസാര, ചെറുപയർ, വൻപയർ, കടല, ശർക്കര പൊടി, ശബരി പായസം മിക്സ്,

പായസക്കൂട്ട്, മിൽമ നെയ്യ്, വെളിച്ചെണ്ണ, ചായപ്പൊടി, ജീരകം, കടുക്, ഉപ്പ്, പുട്ടുപൊടി/അപ്പംപൊടി, ചിക്കൻ മസാല, ഗരം മസാല എന്നിവയാണ് ഈ പ്രത്യേക കിറ്റിലുള്ളത്.

ആയിരം രൂപയ്ക്ക് മുകളിൽ സപ്ലൈകോ സാധനങ്ങൾ വാങ്ങുന്നവർക്ക് 101 രൂപയുടെ ‘വിഷുക്കൈനീട്ടം’

സപ്ലൈകോയുടെ മെഡിക്കൽ സ്റ്റോറുകൾ, പെട്രോൾ ബങ്കുകൾ, എൽപിജി ഔട്ട്‌ലെറ്റുകൾ എന്നിവ ഒഴികെയുള്ള

വിപണനശാലകളിൽ നിന്ന് സബ്‌സിഡിയില്ലാത്ത സാധനങ്ങൾ 1000 രൂപയ്ക്ക് മുകളിൽ വാങ്ങുന്നവർക്ക് 101 രൂപയുടെ പ്രത്യേക കൂപ്പൺ കൈനീട്ടമായി ലഭിക്കും.

പ്രണയപ്പകയിൽ ഭർത്താവിനെ കഴുത്തറുത്ത് കൊന്നു; മൃതദേഹത്തിനരികിൽ കുട്ടികളോടൊപ്പം രാത്രി കഴിഞ്ഞ് ഭാര്യ; നടുക്കുന്ന ക്രൂരത!

ഈ കൂപ്പൺ ഏപ്രിൽ 16 മുതൽ മെയ് 30 വരെയുള്ള കാലയളവിൽ സപ്ലൈകോയിൽ നിന്ന് വീണ്ടും 1000 രൂപയ്ക്ക് മുകളിൽ സബ്‌സിഡിയിതര സാധനങ്ങൾ വാങ്ങുമ്പോൾ കിഴിവിനായി ഉപയോഗിക്കാം

13 ഇന സബ്‌സിഡി സാധനങ്ങളുടെ ലഭ്യതയും സപ്ലൈകോയുടെ വമ്പൻ സർപ്രൈസ്

വിഷു-ഈസ്റ്റർ ഫെയറുകൾ നടക്കുന്ന എല്ലാ ഔട്ട്‌ലെറ്റുകളിലും സർക്കാരിന്റെ 13 ഇന സബ്‌സിഡി സാധനങ്ങളുടെ ലഭ്യത ഉറപ്പാക്കിയിട്ടുണ്ട്.

സപ്ലൈകോയുടെ സ്വന്തം ബ്രാൻഡായ ശബരി ഉൽപ്പന്നങ്ങൾക്കും മറ്റ് പ്രമുഖ കമ്പനികളുടെ (FMCG) ഉൽപ്പന്നങ്ങൾക്കും ഈ കാലയളവിൽ പ്രത്യേക വിലക്കിഴിവ് ഉണ്ടായിരിക്കും.

സപ്ലൈകോ സൂപ്പർ സ്റ്റോറുകൾ, സൂപ്പർ മാർക്കറ്റുകൾ, ഹൈപ്പർ മാർക്കറ്റുകൾ, പീപ്പിൾസ് ബസാറുകൾ, സിഗ്നേച്ചർ മാർട്ടുകൾ എന്നിവ വഴി ഈ ആനുകൂല്യങ്ങൾ ജനങ്ങൾക്ക് നേരിട്ട് ലഭിക്കും.

ഏപ്രിൽ 14 വരെ വിപണികൾ സജീവം; ദുഃഖവെള്ളിയും ഈസ്റ്ററും അവധി ദിവസങ്ങൾ

നാളെ മുതൽ ആരംഭിക്കുന്ന ഈ പ്രത്യേക ചന്തകൾ ഏപ്രിൽ 14 വരെയാണ് പ്രവർത്തിക്കുക. എന്നാൽ ദുഃഖവെള്ളി, ഈസ്റ്റർ എന്നീ ദിവസങ്ങളിൽ സപ്ലൈകോ ചന്തകൾക്ക് അവധിയായിരിക്കും.

ആഘോഷ വേളകളിൽ വിപണിയിലെ വിലക്കയറ്റം തടയാൻ സപ്ലൈകോയുടെ ഈ വിപണന ഇടപെടൽ വലിയ സഹായമാകുമെന്നാണ് വിലയിരുത്തപ്പെടുന്നത്.

English Summary

Supplyco’s Easter and Vishu fairs are set to begin tomorrow across Kerala, running until April 14th. To curb price hikes during the festive season, Supplyco is offering a “Vishukani Special Kit” containing 16 essential items (worth ₹1250) for just ₹1001. Additionally, customers who spend over ₹1000 on non-subsidized items will receive a ₹101 gift coupon (Vishu Kaineettam), which can be redeemed in future purchases.