ഹൈദരാബാദ്: ഹോസ്റ്റൽ ഭക്ഷണത്തിൽ നിന്ന് ബ്ലേഡും പുഴുവും ലഭിച്ചതായി പരാതി. ഹൈദരാബാദിലെ ഉസ്മാനിയ സർവകലാശാലയിലാണ് സംഭവം. ഗോദാവരി ഹോസ്റ്റലിൽ ഇന്നലെ വിതരണം ചെയ്ത ഭക്ഷണത്തിലാണ് പുഴുവിനേയും ബ്ലേഡും കണ്ടെത്തിയത്.
കഴിഞ്ഞ കുറച്ച് കാലമായി ഹോസ്റ്റലിൽ കിട്ടുന്ന ഭക്ഷണം തീരെ മോശമെന്ന് വിദ്യാർത്ഥികൾ ആരോപിച്ചു. നേരത്തേ ഭക്ഷണത്തിൽ കുപ്പിച്ചില്ല് കണ്ടിട്ടുണ്ടെന്നും വിദ്യാർത്ഥികൾ പറഞ്ഞു.
സംഭവത്തെ തുടർന്ന് സർവകലാശാലയുടെ മെയിൻ റോഡ് വിദ്യാർത്ഥികൾ ഉപരോധിച്ചു. പുഴുവരിച്ചതും ബ്ലേഡ് കിട്ടിയതുമായ ഭക്ഷണ പ്ലേറ്റുകൾ റോഡിൽ വെച്ചുകൊണ്ടാണ് വിദ്യാർഥികൾ പ്രതിഷേധിച്ചത്.
