കാറിൽ അനധികൃതമായി സ്റ്റിക്കർ സ്ഥാപിച്ച യു.എ.ഇ. പൗരന് പിഴയായി കിട്ടിയത് 500 ദിർഹം. ( ഏകദേശം 10,000 ൽ അധികം ഇന്ത്യൻ രൂപ) കാറിന്റെ പിൻവശത്തെ ഡോറിലാണ് യു.എ.ഇ. പൗരനായ അബ്ദുല്ല ബിൻ നസീർ സ്റ്റിക്കർ പതിച്ചത്. sticker on the car; The youth was fined more than ten thousand rupees
കാറിൽ സ്റ്റിക്കറുകൾ പതിക്കുന്നതുമായി ബന്ധപ്പെട്ട് ബോധവത്കരണത്തിനായി യു.എ.ഇ.യിൽ ആർ.ടി.എ.യും പോലീസും ബോധവത്കരണ ക്യാമ്പയിനുകൾ നടത്താറുണ്ട്. മുൻകൂർ അനുമതി വാങ്ങിയാണ് കാറുകളിൽ സ്റ്റിക്കർ പതിക്കേണ്ടത്.
വാഹനത്തിന്റെ പെട്രോൾ ടാങ്കിൽ സ്റ്റിക്കർ പതിച്ച പ്രവാസി പൗരനും പിഴ അടയ്ക്കേണ്ടി വന്നു.യു.എ.ഇ.യിൽ 1995 ലെ ഫെഡറൽ ട്രാഫിക് നിയമം 21 പ്രകാരം വാഹനങ്ങളിലെ അനധികൃത സ്റ്റിക്കറുകൾ നിയമ വിരുദ്ധമാണ്.
പിഴയിട്ട ശേഷം സ്റ്റിക്കറുകൾ നീക്കം ചെയ്തില്ലെങ്കിൽ രണ്ടാം ദിവസം വീണ്ടും പിഴ ചുമത്തുകയും ചെയ്യും. അനുമതിയോടെ ഉത്പന്നങ്ങളും , സേവനങ്ങളും പ്രോത്സാഹിപ്പിക്കുന്ന കമ്പനി പരസ്യങ്ങൾക്ക് മാത്രമാണ് നിലവിൽ ആർ.ടി.എ. അനുമതി നൽകുക.
