സൗമ്യക്ക് സംഭവിച്ചതുപോലെ മറ്റൊരാളിനും സംഭവിക്കരുതായിരുന്നു
പാലക്കാട്: വർക്കലയിൽ ട്രെയിനിൽ യുവതി നേരിട്ട അതിക്രമം താൻ്റെ മകൾ സൗമ്യ നേരിട്ട ദുരന്തത്തെ ഓർമ്മിപ്പിക്കുന്നതാണെന്ന് സൗമ്യയുടെ അമ്മ സുമതി പ്രതികരിച്ചു.
ഗോവിന്ദച്ചാമി കൊലപ്പെടുത്തിയ പെൺകുട്ടിയുടെ അമ്മ പറഞ്ഞു — “ഇതും അതേ ക്രൂരതയാണ്. സൗമ്യ കൊല്ലപ്പെട്ടപ്പോൾ കുറച്ച് ദിവസത്തേക്ക് മാത്രമാണ് ട്രെയിനുകളിൽ പരിശോധനകളും സുരക്ഷയും ശക്തിപ്പെടുത്തിയത്.
അതിന് ശേഷം എല്ലാം പഴയപടിയായി. സൗമ്യക്ക് സംഭവിച്ചതുപോലെ മറ്റൊരാളിനും സംഭവിക്കരുതായിരുന്നു.” “സ്ത്രീകൾക്കും പെൺകുട്ടികൾക്കും ഇന്നും ട്രെയിനിൽ സുരക്ഷയില്ല.
ലേഡീസ് കമ്പാർട്ടുമെന്റിലും ജനറൽ കമ്പാർട്ടുമെന്റിലും പോലും സുരക്ഷിതത്വം ഉറപ്പില്ല. ആരും യഥാർത്ഥത്തിൽ നടപടി എടുക്കുന്നില്ല.
ഇനി എങ്കിലും അധികാരികൾ ഉണർന്ന് പ്രവർത്തിക്കണം. മറ്റൊരു പെൺകുട്ടിയും ഈ വിധി അനുഭവിക്കരുത്,” എന്നും അവർ കണ്ണീരോടെ പറഞ്ഞു.
കഴിഞ്ഞ ദിവസം വർക്കലയിൽ ട്രെയിനിൽ യാത്ര ചെയ്യുന്നതിനിടെ യുവതിയെ പുറത്തേക്ക് ചവിട്ടി തള്ളിയ സംഭവം സംസ്ഥാനത്തെ നടുക്കിയിരുന്നു.
തിരുവനന്തപുരത്തേക്കുള്ള കേരള എക്സ്പ്രസിലായിരുന്നു സംഭവം. പെൺകുട്ടി വാതിലിൽ നിന്ന് മാറിയില്ലെന്ന ദേഷ്യത്തിൽ പ്രതി സുരേഷ് കുമാർ അവളെ ചവിട്ടിയിട്ടുവെന്നാണ് ഇയാളുടെ മൊഴി.
പിന്നിൽ നിന്നാണ് ആക്രമണം നടന്നതെന്നും അദ്ദേഹം സമ്മതിച്ചു.
ട്രെയിനിൽനിന്ന് വീണ പെൺകുട്ടിയെ യാത്രക്കാരും റെയിൽവേ ജീവനക്കാരും ചേർന്ന് രക്ഷപ്പെടുത്തി വർക്കലയിൽ എത്തിച്ചത് മെമു ട്രെയിനിലാണ്.
സംഭവസ്ഥലം വർക്കല സ്റ്റേഷനിൽനിന്ന് ഏകദേശം 1.5 കിലോമീറ്റർ അകലെയുള്ള അയന്തി മേൽപാലത്തിന് സമീപത്താണ്. ആംബുലൻസിന് എത്താൻ കഴിയാത്ത സ്ഥലം ആയതിനാൽ ട്രെയിനാണ് പെൺകുട്ടിയെ ആശുപത്രിയിലേക്കെത്തിച്ചത്.
പിന്നീട് അവളെ ശ്രീനാരായണ മെഡിക്കൽ മിഷൻ ആശുപത്രിയിലൂടെയും തുടർന്ന് തിരുവനന്തപുരം മെഡിക്കൽ കോളേജ് ആശുപത്രിയിലേക്കും മാറ്റുകയായിരുന്നു.
സംഭവത്തെക്കുറിച്ച് എംഎൽഎ വി.ജോയി പ്രതികരിച്ചു — ട്രാക്കിൽനിന്നാണ് യുവതിയെ കണ്ടെത്തിയത്. യാത്രക്കാരാണ് പ്രതിയെ പിടികൂടി ആർപിഎഫിന് കൈമാറിയതെന്നും അദ്ദേഹം പറഞ്ഞു. പ്രതിയെ ഇന്ന് ഉച്ചയ്ക്ക് കോടതിയിൽ ഹാജരാക്കും.
English Summary:
Palakkad: The mother of Soumya, who was murdered by Govindachamy in a train years ago, reacted to the Varkala train attack, calling it a cruel repetition of her daughter’s tragedy.
Sumathi, Soumya’s mother, said that although brief security measures were taken after Soumya’s death, women and girls are still unsafe on trains.“There is no safety for women, not even in ladies or general compartments.
Authorities must wake up and act now so that no one else suffers like my daughter,” she said emotionally. The incident in Varkala, where a man named Suresh Kumar allegedly kicked a young woman out of a moving train on the Kerala Express, has shocked the state.
The accused confessed that he attacked the girl out of anger when she did not move away from the train door.
