കൂർക്കംവലിക്കുമോ എന്ന പേടി കാരണം ഉറങ്ങാൻ മടിക്കുന്നവരാണ് ഭൂരിഭാഗം പേരും. അത് പലർക്കുമുള്ള ശീലമാണ് , ഇതിനു കാരണമെന്തെന്ന് ചിന്തിച്ചിട്ടുണ്ടോ.പല കാരണങ്ങൾ കൊണ്ടും കൂർക്കംവലി ഉണ്ടാകാം. അമിത വണ്ണമുള്ളവർക്ക് കൂർക്കംവലി കൂടുതലുണ്ടാകാം. അക്കൂട്ടർ ഇത് കുറയ്ക്കണമെങ്കിൽ കൃത്യമായ വ്യായാമത്തിലൂടെയും ഭക്ഷണ ക്രമീകരണത്തിലൂടെയും അമിതവണ്ണം കുറക്കണം എങ്കിലേ കൂർക്കം വലിക്ക് ആശ്വാസം ലഭിക്കും.മൂക്കടപ്പും ജലദോഷവും ഉള്ളവരിലും കൂർക്കംവലി കാണാറുണ്ട്. ഇത്തരം ആരോഗ്യ പ്രശ്നങ്ങൾ ഉള്ളപ്പോൾ സ്വാഭാവികമായും ശ്വാസേച്ഛാസത്തിന് തടസ്സം നേരിടാം. അതിനാൽ ഇത്തരം ആരോഗ്യ പ്രശ്നങ്ങൾക്ക് കൃത്യമായി ചികിത്സ തേടാം. എന്നാലും കൂർക്കംവലി കുറയ്ക്കാൻ സഹായിക്കുന്ന ചില എളുപ്പവഴികൾ എന്തൊക്കെയാണെന്ന് നോക്കാം.
ഉറങ്ങാൻ കിടക്കുന്ന രീതി : ഉറങ്ങാൻ കിടക്കുന്ന രീതികൾ പ്രധാനമാണ്. ഒരു വശം തിരിഞ്ഞ് കിടക്കുന്നത് കൂർക്കംവലി കുറയ്ക്കാൻ സഹായിക്കും.ചിലർ വായ തുറന്നു ഉറങ്ങാറുണ്ട്. അത്തരക്കാരിലും കൂർക്കംവലി ഉണ്ടാകാം. അതിനാൽ വായ അടച്ചു കിടക്കാൻ ശ്രദ്ധിക്കുക.മറ്റൊരു കാര്യം ഉറങ്ങുന്നതിന് മുമ്പ് അമിതമായി മദ്യപിക്കുന്നത് കൂർക്കംവലിക്ക് കാരണമാകാം. അതിനാൽ മദ്യപാനം പരമാവധി ഒഴിവാക്കുക.
വെള്ളം കുടിക്കുന്നത് : അതുപോലെ തന്നെ രാത്രി ഉറങ്ങുന്നതിന് മുമ്പ് ധാരാളം വെള്ളം കുടിക്കുന്നത് കൂർക്കംവലി ഒഴിവാക്കാൻ നല്ലതാണ്. കാരണം നിർജലീകരണം കൊണ്ടും കൂർക്കംവലിയുണ്ടാകാം. പുകവലിയും ഒഴിവാക്കാം. പുകവലിക്കുന്നവരിലും കൂർക്കംവലി ഉണ്ടാകാനുള്ള സാധ്യത ഏറെയാണ്.
ഭക്ഷണം : ഉറങ്ങാൻ കിടക്കുന്നതിനു രണ്ട് മണിക്കൂർ മുമ്പെങ്കിലും ഭക്ഷണം കഴിച്ചിരിക്കണം. നിറഞ്ഞ വയറോടെ ഉറങ്ങാൻ പോകുന്നത് കൂർക്കംവലി കൂട്ടും. കൊഴുപ്പ് അടങ്ങിയ ഭക്ഷണങ്ങളും രാത്രി ഒഴിവാക്കാം.
വ്യായാമം :വ്യായാമം പതിവാക്കുന്നതും കൂർക്കംവലി കുറയ്ക്കാൻ സഹായിക്കും. വ്യായാമം ഉറക്കത്തിൻറെ ആഴവും തീവ്രതയും കൂട്ടാൻ സഹായിക്കും. ഇതിലൂടെ കൂർക്കംവലി കുറയ്ക്കാം.
Read Also : ഡ്രൈ സ്കിനും , ചൊറിച്ചിലും പരിഹാരമുണ്ട്
