വിമാനത്തിൽ ആറു പേർ ഉണ്ടായിരുന്നുവെന്നാണ് വിവരം
അമേരിക്കയിൽ വീണ്ടും വിമാനം തകർന്നു വീണു. വടക്കു കിഴക്കൻ ഫിലാഡെൽഫിയയിലാണ് ചെറുവിമാനം തകർന്നുവീണത്. അമേരിക്കൻ സമയം വെള്ളിയാഴ്ച വൈകിട്ട് ആറു മണിയോടെയായിരുന്നു അപകടം.(Small Plane Crashes In America)
റൂസ് വെൽട്ട് ബൊളിവാർഡിനും കോട്ട്മാൻ അവന്യുവിനുമിടയിലുള്ള വീടുകൾക്കു മുകളിലേക്കാണ് വിമാനം തകർന്നുവീണത്. വിമാനത്തിൽ ആറു പേർ ഉണ്ടായിരുന്നുവെന്നാണ് വിവരം. അപകടത്തെ തുടർന്ന് വീടും നിരവധി കാറുകളും കത്തിനശിച്ചതായാണ് വിവരം.
തീപിടുത്തത്തെ തുടർന്ന് മാളിനു സമീപത്തേക്കുള്ള റോഡുകൾ അടച്ചുവെന്ന് ഫിലാഡെൽഫിയ ഓഫീസ് ഓഫ് എമർജൻസി മാനേജ്മെന്റ് അറിയിച്ചു. നിരവധി പേർക്ക് അപകടത്തിൽ പരിക്കേറ്റതായും റിപ്പോർട്ടുകളുണ്ട്. കൂടുതൽ വിവരങ്ങൾ ലഭ്യമല്ല.
അതേസമയം വാഷിംഗ്ടണിലെ റീഗൻ നാഷണൽ എയർപോർട്ടിന് സമീപം ഒരു പാസഞ്ചർ വിമാനവും മിലിട്ടറി ഹെലികോപ്റ്ററും കൂട്ടിയിടിച്ചുണ്ടായ ദുരന്തത്തിൽ 67 പേരാണ് കൊല്ലപ്പെട്ടത്. നോർത്ത് ഈസ്റ്റ് ഫിലാഡൽഫിയ എയർപോർട്ടിൽ നിന്ന് മൂന്ന് മൈലിൽ (4.8 കിലോമീറ്റർ) താഴെയാണ് അപകടം നടന്നത്.
