തിരുവനന്തപുരം: നടൻ ജാഫര് ഇടുക്കിയ്ക്കെതിരെ ലൈംഗികാതിക്രമ പരാതി. നേരത്തെ മുകേഷ് എംഎല്എ ഉള്പ്പടെ നിരവധി നടന്മാര്ക്കെതിരെ പീഡന പരാതി നല്കിയ ആലുവ സ്വദേശിനിയാണ് ജാഫർ ഇടുക്കിക്കെതിരെയും പരാതിയുമായി രംഗത്തെത്തിയത്. ഓണ്ലൈനായി നടി ഡിജിപിക്കും പ്രത്യേക അന്വേഷണ സംഘത്തിനും പരാതി കൈമാറി.(sexual assault; Actress filed a complaint against actor Jafar Idukki)
വര്ഷങ്ങള്ക്ക് മുന്പാണ് സംഭവം നടന്നതെന്നാണ് യുവതിയുടെ പരാതിയില് പറയുന്നത്. ജാഫര് ഇടുക്കി റൂമില് വച്ച് മോശമായി പെരുമാറിയെന്നാണ് യുവതിയുടെ പരാതിയില് പറയുന്നത്. നടന് ബാലചന്ദ്രമേനോനെതിരെയും യുവതി ഡിജിപിക്കും പ്രത്യേക അന്വേഷണ സംഘത്തിനും പരാതി നല്കി.
കഴിഞ്ഞ ദിവസങ്ങളില് ബാലചന്ദ്ര മേനോനെതിരെയും ജാഫര് ഇടുക്കി തുടങ്ങിയ നടന്മാര്ക്കെതിരെയും ലൈംഗികാരോപണങ്ങളുന്നയിച്ച് ഈ നടി യൂട്യൂബ് ചാനലുകള്ക്കും ഓണ്ലൈനുകള്ക്കും അഭിമുഖം നല്കിയിരുന്നു. ‘ദേ ഇങ്ങോട്ട് നോക്കിയേ’ എന്ന സിനിമ ഷൂട്ടിനിടെ ലൈംഗികാതിക്രമം നടന്നതെന്നാണ് പരാതിയില് പറയുന്നത്.
