തൃശ്ശൂർ: റോഡിലെ കുഴിയിൽ വീണ് സ്കൂട്ടർ യാത്രക്കാരന് പരിക്കേറ്റു. അയ്യന്തോൾ മരുതൂർകളത്തിൽ സ്വദേശി സന്തോഷ് കെ. മേനോന് (46) ആണ് പരിക്കേറ്റത്. തൃശൂർ പൂങ്കുന്നത്ത് റോഡിലെ കുഴിയിൽ വീണാണ് അപകടം.(scooter rider’s tooth fell out and his jaw was fractured after falling into a pothole on the road)

വ്യാഴാഴ്‌ച രാത്രി. 9.30 ഓടെയാണ് സംഭവം. വീഴ്ചയുടെ ആഘാതത്തിൽ സന്തോഷിന്‍റെ പല്ല് കൊഴിഞ്ഞു. താടിയെല്ലിന് പൊട്ടലുണ്ട്. സന്തോഷിനെ തൃശൂരിലെ അശ്വിനി ആശുപത്രിയിൽ പ്രവേശിപ്പിച്ച് അടിയന്തിര ശസ്ത്രക്രിയക്ക് വിധേയനാക്കി. തലയ്ക്ക് മുറിവേറ്റ സന്തോഷിന് പല്ലിനും താടിയെല്ലിനും ഗുരുതര പരിക്കേറ്റിട്ടുണ്ടെന്നാണ് വിവരം.

കുണ്ടും കുഴിയും നിറഞ്ഞ തൃശൂർ – കുന്നംകുളം റോഡിന്റെ ശോചനീയാവസ്ഥയിൽ ബുദ്ധിമുട്ടുകയാണ് യാത്രക്കാർ. ബൈക്കുകളും സ്‌കൂട്ടറുകളും കുഴിയിൽ വീണ് അപകടമുണ്ടാവുന്നത് പതിവാണ്.