തിരുവനന്തപുരം: വാഹനാപകടത്തെ തുടർന്ന് വനിതാ സിവിൽ എക്‌സൈസ് ഓഫീസർ മരിച്ചു. തിരുമല വേട്ടമുക്ക് ലക്ഷ്മിനഗർ എൽ.എൻ. ആർ.എ. 51-ൽ ഷാനിദ എസ്.എൻ.(36) ആണ് മരിച്ചത്. ഞായറാഴ്ച രാത്രി 11-ഓടെയാണ് പാറ്റൂർ-ജനറൽ ആശുപത്രി റോഡിൽ വെച്ചാണ് സംഭവം.(scooter accident; Woman civil excise officer died)

വഞ്ചിയൂർ, മെഡിക്കൽ കോളേജ് ഭാഗങ്ങളിൽനിന്നുള്ള രഹസ്യ പരാതികൾ അന്വേഷിക്കാനായി പോകുന്നതിനിടെയാണ് അപകടമുണ്ടായത്. ഷാനിദ ഓടിച്ചിരുന്ന സ്‌കൂട്ടർ, റോഡിലെ ഡിവൈഡറിൽ ഇടിച്ച് മറുഭാഗത്തേക്കു തെറിച്ചു വീണു. ഇതേസമയം എതിരെ വന്ന കാറിടിക്കുകയായിരുന്നു.

ഉടൻ തന്നെ മെഡിക്കൽ കോളേജ് ആശു പത്രിയിലെത്തിച്ചെങ്കിലും ജീവൻ രക്ഷിക്കാനായില്ല. എക്‌സൈസ് തിരുവനന്തപുരം റേഞ്ച് ഓഫീസിലെ ഉദ്യോഗസ്ഥയായിരുന്നു. നസീർ ആണ് ഭർത്താവ്. മക്കൾ: മുഹമ്മദ് ഫഗദ്, ഫൈഗ ഫാത്തിമ.