ഉംറ വിസ കാലാവധി; തീർഥാടകർക്ക് സൗദിയുടെ കർശന നിർദ്ദേശം
റിയാദ്: ഉംറ വിസയിൽ എത്തുന്ന തീർഥാടകർക്ക് ഏപ്രിൽ 18-നകം രാജ്യം വിടണം എന്ന കർശന നിർദ്ദേശവുമായി സൗദി ഹജ്ജ്-ഉംറ മന്ത്രാലയം.
കാലാവധി കഴിഞ്ഞും രാജ്യത്ത് തുടരുന്നവർക്കെതിരെ വിട്ടുവീഴ്ചയില്ലാത്ത നടപടി സ്വീകരിക്കുമെന്ന് അധികൃതർ മുന്നറിയിപ്പ് നൽകി.
കടുത്ത ശിക്ഷകൾ മുന്നറിയിപ്പായി
നിശ്ചിത സമയപരിധി ലംഘിച്ചാൽ തീർഥാടകർക്ക്, കനത്ത പിഴ, തടവ് ശിക്ഷ, നാടുകടത്തൽ എന്നിവ നേരിടേണ്ടിവരും.
‘മഞ്ഞുമ്മൽ ബോയ്സ്’ തട്ടിപ്പ് കേസ് റദ്ദാക്കില്ല; അന്വേഷണം തുടരട്ടെ എന്ന് സുപ്രീം കോടതി
യാത്രാ ക്രമീകരണങ്ങൾക്ക് നിർദ്ദേശം
യാത്ര സുഗമമാക്കാൻ
- വിമാനത്താവളത്തിൽ കുറഞ്ഞത് 4 മണിക്കൂർ മുമ്പ് എത്തുക
- താമസസ്ഥലങ്ങളിൽ നിന്ന് ചെക്ക്-ഔട്ട് സമയത്ത് പൂർത്തിയാക്കുക
- യാത്രാ ഷെഡ്യൂൾ കൃത്യമായി പാലിക്കുക
എന്നിങ്ങനെ മന്ത്രാലയം നിർദ്ദേശിച്ചു.
ഉംറ കമ്പനികൾക്കും ഉത്തരവാദിത്വം
വിസ കാലാവധി കഴിഞ്ഞിട്ടും രാജ്യത്ത് തുടരുന്നവരെ കുറിച്ചുള്ള വിവരങ്ങൾ ഉംറ സർവീസ് കമ്പനികൾ ഉടൻ അധികൃതരെ അറിയിക്കണം.
റിപ്പോർട്ട് ചെയ്യുന്നതിൽ വീഴ്ച വരുത്തുന്ന കമ്പനികൾക്ക് കനത്ത പിഴ ചുമത്തും.
കർശന നിരീക്ഷണം
നിയമലംഘനങ്ങൾ തടയാൻ കർശന നിരീക്ഷണ സംവിധാനം ഏർപ്പെടുത്തിയിട്ടുണ്ടെന്നും എല്ലാ തീർഥാടകരും നിർദ്ദേശങ്ങൾ പാലിക്കണമെന്നും മന്ത്രാലയം ആവശ്യപ്പെട്ടു.
English Summary:
Saudi Arabia has instructed all Umrah pilgrims to leave the country by April 18, warning of strict penalties for overstaying. Violators may face heavy fines, imprisonment, and deportation. Authorities also directed pilgrims to follow travel schedules carefully, while Umrah service companies must report overstayers or face penalties themselves..
