മെനുവിൽ മാറ്റം; ശബരിമലയിൽ അയ്യപ്പന്മാർക്ക് ഇനിമുതൽ സദ്യ നൽകും
തിരുവനന്തപുരം: ശബരിമലയിലെ അന്നദാന മെനുവിൽ മാറ്റം വരുത്തിയതായി തിരുവിതാംകൂർ ദേവസ്വം ബോർഡ് പ്രസിഡന്റ് കെ. ജയകുമാർ അറിയിച്ചു.
മുമ്പ് ഉച്ചയ്ക്ക് ലഭിച്ചിരുന്നത് പുലാവും സാമ്പാറുമായിരുന്നു. അതിന് പകരമായി ഭക്തർക്ക് കേരളീയ സദ്യ നൽകാൻ തീരുമാനിച്ചിട്ടുണ്ടെന്ന് അദ്ദേഹം വ്യക്തമാക്കി.
ദേവസ്വം ബോർഡ് യോഗത്തിനു ശേഷമാണ് അദ്ദേഹം മാധ്യമങ്ങളോട് സംസാരിച്ചത്.
“അന്നദാനത്തിൽ ഒരു വലിയ മാറ്റമാണ് വരുത്തുന്നത്. ഇനി മുതൽ പപ്പടവും പായസവുമുള്പ്പെടുന്ന സമ്പൂർണ കേരളീയ സദ്യ ഭക്തർക്കായി ഒരുക്കും.
ഇത് ദേവസ്വം ബോർഡിന്റെ പണമല്ല; അയ്യപ്പൻമാരെ സേവിക്കുന്നതിനായി ഭക്തർ നൽകുന്ന പണമാണ്.
അതുകൊണ്ട് ഏറ്റവും നല്ല സദ്യ നൽകും. തീരുമാനം ഇന്ന് എടുത്തു; നാളെ അല്ലെങ്കിൽ മറ്റന്നാൾ മുതൽ നടപ്പിലാകും. പന്തളത്തിലെ അന്നദാനവും മെച്ചപ്പെടുത്തും.
ശബരിമല തീർത്ഥാടനം കൂടുതല് വികസിപ്പിക്കാൻ മാസ്റ്റർ പ്ലാൻ തയ്യാറാക്കുകയാണ്. ഡിസംബർ 18-ന് മറ്റൊരു യോഗവും നടക്കും,” ജയകുമാർ പറഞ്ഞു.
English Summary
The Travancore Devaswom Board has revised the annadanam menu at Sabarimala. The earlier menu of pulav and sambar will be replaced with a full Kerala-style feast, including papad and payasam. TDB president K. Jayakumar said the decision honors devotees’ contributions and aims to improve the pilgrimage experience. The new menu will be implemented within a day or two, and annadanam at Pamba and Pandal will also be upgraded. A master plan for Sabarimala development is being prepared, with another meeting scheduled for December 18.
sabarimala-annadanam-menu-kerala-sadya-change
Sabarimala, Annadanam, Travancore Devaswom Board, Kerala Sadya, Ayyappa devotees, Jayakumar
