തിരുവല്ലം: ക്ഷേത്രങ്ങളിൽ നിന്ന് കാണിക്കവഞ്ചികൾ മാത്രം മോഷ്ടിക്കുന്ന യുവാവ് പിടിയിൽ. മുട്ടത്തറ ശിവഗംഗയില് താമസിക്കുന്ന അഭിഷേകിനെ(25) ആണ് തിരുവല്ലം പോലീസ് അറസ്റ്റ് ചെയ്തത്. കോവളം ധര്മശാസ്താ ക്ഷേത്രത്തിലെ കാണിക്കവഞ്ചികളിൽ നിന്നും പണം മോഷ്ടിച്ച കേസിലാണ് പ്രതിയെ പിടികൂടിയത്.
ഒരു വര്ഷം മുൻപ് പട്ടാപ്പകൽ വാഴമുട്ടം തുപ്പനത്തുകാവിനു മുന്നിലെ കാണിക്ക വഞ്ചി ഇയാൾ മോഷ്ടിച്ചിരുന്നു. സംഭവം കണ്ട വഴിയാത്രക്കാരനായ വയോധികനാണു ഇയാളെ കീഴ്പ്പെടുത്തി പോലീസിന് കൈമാറിയത്. വയോധികനെ പ്രതി മര്ദിക്കാനും ശ്രമിച്ചിരുന്നു.
സമാനമായ നാലിലധികം ക്ഷേത്രങ്ങളില് ഇയാള് കാണിക്കവഞ്ചി പൊട്ടിച്ച് പണം കവർന്നതായി തിരുവല്ലം എസ്.എച്ച്.ഒ. ജെ. പ്രദീപ് പറഞ്ഞു. എസ്.ഐ. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
