കേരള ക്രിക്കറ്റ് ലീഗിലെ ആദ്യ ദിനത്തിൽ കളിച്ചത് മഴ. ലീഗിന്റെ ഉദ്ഘാടന ദിവസം നടന്ന രണ്ടാം മൽസരത്തിൽ ഡിഎൽഎസ് നിയമപ്രകാരമാണ് വിജയികളെ നിശ്ചയിച്ചത്.Rain played on the first day of the Kerala Cricket League
കൊച്ചി ബ്ലൂ ടൈഗേഴ്‌സിനെ ഒരു റൺസിന് ട്രിവാൻഡ്രം റോയൽസ് പരാജയപ്പെടുത്തുകയായിരുന്നു. തിരുവനന്തപുരം ഗ്രീൻഫീൽഡ് സ്റ്റേഡിയത്തിൽ നടന്ന മൽസരത്തിൽ മഴ കാരണം കളി തടസ്സപ്പെട്ടു. തുടന്ന് ഡിഎൽഎസ് നിയമപ്രകാരം വിജയികളെ പ്രഖ്യാപിക്കുകയായിരുന്നു.
ആദ്യം ബാറ്റ് ചെയ്ത കൊച്ചി ബ്ലൂ ടൈഗേഴ്‌സ് 19.5 ഓവറിൽ 122 റൺസിന് ഓൾഔട്ടാവുകയായിരുന്നു. എന്നാൽ ട്രിവാൻഡ്രം റോയൽസ് 14.1 ഓവറിൽ അഞ്ച് വിക്കറ്റ് നഷ്ടത്തിൽ 83 റൺസിലെത്തി നിൽക്കെ മഴമൂലം മത്സരം നിർത്തിവയ്‌ക്കേണ്ടി വന്നു
ഡിഎൽഎസ് നിയമപ്രകാരം ജയിക്കാൻ വേണ്ട സ്‌കോറിനേക്കാൾ ഒരു റൺസ് കൂടുതലെടുത്ത റോയൽസിനെ പിന്നീട് വിജയികളായി പ്രഖ്യാപിക്കുകയായിരുന്നു. ബേസിൽ തമ്പി മൂന്ന് ഓവറിൽ 10 റൺസ് വഴങ്ങി രണ്ടു വിക്കറ്റ് വീഴ്ത്തി.
ട്രിവാൻഡ്രം റോയൽസിന് വേണ്ടി ജോഫിൻ ജോസ് നാലു ബൗണ്ടറി അടക്കം 19 പന്തിൽ നിന്ന് 22 റൺസ് സ്വന്തമാക്കി. 29 പന്തിൽ 24 റൺസെടുത്ത ഗോവിന്ദ് പൈ പുറത്താകാതെനിന്നു. അബ്ദുൽ ബാസിതാണ് കളിയിലെ താരം.
