പി ടി ഉഷയുടെ ഭർത്താവ് വി ശ്രീനിവാസൻ അന്തരിച്ചു
കോഴിക്കോട്: രാജ്യസഭാ എംപിയും ഇന്ത്യൻ ഒളിമ്പിക്സ് അസോസിയേഷൻ പ്രസിഡന്റുമായ പി.ടി. ഉഷയുടെ ഭർത്താവ് വി. ശ്രീനിവാസൻ (64) അന്തരിച്ചു.
ഇന്ന് പുലർച്ചെ ഒരു മണിയോടെ തിക്കോടി പെരുമാൾപുരത്തുള്ള ഉഷസിൽ അദ്ദേഹം കുഴഞ്ഞുവീണു. ഉടൻ തന്നെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
സംഭവസമയത്ത് പി.ടി. ഉഷ വീട്ടിലുണ്ടായിരുന്നില്ല. പാർലമെന്റ് സമ്മേളനത്തിൽ പങ്കെടുത്ത ശേഷം അവർ നാട്ടിലേക്ക് തിരിച്ചിട്ടുണ്ട്.
പൊന്നാനി കുറ്റിക്കാട് വെങ്ങാലി തറവാട്ടിലെ നാരായണൻ–സരോജനി ദമ്പതികളുടെ മകനാണ് ശ്രീനിവാസൻ.
മുൻ കബഡി താരമായിരുന്ന അദ്ദേഹം കേന്ദ്ര വ്യവസായ സുരക്ഷാ സേനയിലെ (CISF) റിട്ട. ഡെപ്യൂട്ടി സൂപ്രണ്ടായിരുന്നു. 1991-ലാണ് അകന്ന ബന്ധുവായ പി.ടി. ഉഷയുമായി വിവാഹിതനായത്.
ഏകമകൻ ഡോ. ഉജ്ജ്വൽ വിഗ്നേഷ്. സംസ്കാര ചടങ്ങുകളുടെ സമയം പിന്നീട് അറിയിക്കും.
English Summary
V. Sreenivasan (64), husband of Rajya Sabha MP and Indian Olympic Association President P. T. Usha, passed away early Wednesday morning at their residence in Thikkodi, Kozhikode. He collapsed at home and was rushed to a private hospital, where he was declared dead. A former kabaddi player and retired CISF Deputy Superintendent, Sreenivasan married P. T. Usha in 1991. Funeral details are yet to be announced.
pt-usha-husband-v-sreenivasan-passes-away-kozhikode
PT Usha, V Sreenivasan death, Kozhikode news, Rajya Sabha MP, Indian Olympic Association, CISF officer, Kerala news, obituary, sports personality family
