സ്വപ്നങ്ങൾ യാഥാർത്ഥ്യമാകുന്നു! ‘ഇത് അല്ലാഹുവിന്റെ നേരിട്ടുള്ള ക്ഷണം’; ഉംറയ്ക്ക് യാത്ര തിരിച്ച് ഷക്കീല, ആശംസകളുമായി സോഷ്യൽ മീഡിയ

സ്വപ്നങ്ങൾ യാഥാർത്ഥ്യമാകുന്നു! ‘ഇത് അല്ലാഹുവിന്റെ നേരിട്ടുള്ള ക്ഷണം’; ഉംറയ്ക്ക് യാത്ര തിരിച്ച് ഷക്കീല, ആശംസകളുമായി സോഷ്യൽ മീഡിയ

നടി ഷക്കീല ഉംറ നിർവഹിക്കാനായി മക്കയിലേക്ക് യാത്ര തിരിച്ചതിന്റെ വീഡിയോ സോഷ്യൽ മീഡിയയിൽ ശ്രദ്ധ നേടുന്നു.

‘ഹാപ്പി ജേർണി മാ, നിങ്ങളുടെ സ്വപ്നങ്ങൾ യാഥാർത്ഥ്യമാകുന്നു, മിസ് യു മാ’ എന്ന കുറിപ്പോടെയാണ് അടുത്ത സുഹൃത്തായ സതീഷ് ക്രിസ്റ്റഫർ വീഡിയോ പങ്കുവച്ചത്. സുഹൃത്തുക്കൾ ചേർന്നാണ് ഷക്കീലയെ യാത്രയയപ്പു നൽകിയത്.

ഒരു കാലത്ത് മലയാള സിനിമാലോകത്ത് ബി-ഗ്രേഡ് ചിത്രങ്ങളിലൂടെ വലിയ തരംഗം സൃഷ്ടിച്ച നടിയായിരുന്നു ഷക്കീല. 1990-കളിൽ ബോക്സ് ഓഫീസ് കളക്ഷനിൽ ശക്തമായ സാന്നിധ്യം രേഖപ്പെടുത്തിയ താരം പിന്നീട് മലയാള സിനിമയിൽ നിന്ന് മാറിനിൽക്കുന്നതായി പ്രഖ്യാപിച്ചിരുന്നു.

പ്രാരാബ്ദങ്ങൾ നിറഞ്ഞ ബാല്യകാലമാണ് അഭിനയരംഗത്തേക്ക് എത്താൻ കാരണമായതെന്ന് അവർ നേരത്തെ പറഞ്ഞിട്ടുണ്ട്.

ഇപ്പോൾ യൂട്യൂബ് ചാനലുകളിലെ അവതരണങ്ങളിലൂടെയും തമിഴ് ടെലിവിഷൻ പരിപാടികളിലൂടെയും ഷക്കീല സജീവമാണ്. അടുത്തിടെ ഒരു കുക്കിംഗ് റിയാലിറ്റി ഷോയിലും മത്സരാർത്ഥിയായി എത്തിയിരുന്നു.

തമിഴ്നാട്ടിൽ ഇന്നും വലിയ ജനപ്രീതി നിലനിർത്തുന്ന താരത്തിന്റെ ഈ പുതിയ യാത്ര ആരാധകരുടെ ശ്രദ്ധ പിടിച്ചുപറ്റുകയാണ്.

English Summary:

Actress Shakeela has left for Mecca to perform Umrah, and a farewell video shared by her friend has gone viral on social media.

actress-shakeela-umrah-journey

Shakeela, Actress News, Umrah, Celebrity News, Social Media Viral